| e-texts navigator |
| བོད་ཡིག |
261a1 du bshad par bya'o/ /blo gros chen pos bcom ldan 'das la gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bgyis pa'am/ ma bgyis pa'am/ dngos po'am/ rgyu'am/ mtshan nyid dam/ mtshan nyid kyi
261a2 gzhi 'am/ brjod pa'am/ brjod par bgyi ba'am/ blo'am/ rig par bgyi ba'am/ de lta bu la sogs pa'i tshig rnams dang / tha dad pa'am/ tha dad pa ma lags pa zhes bgyi/ bcom ldan 'das kyis bka' stsal pa/ blo gros chen po de bzhin gshegs pa dgra bcom pa
261a3 yang dag par rdzogs pa'i sangs rgyas ni de lta bu la sogs pa'i tshig gi dngos po yang ma yin/ rgyu yang ma yin te/ de ci'i phyir zhe na/ gnyi ga yang nyes par 'gyur ba'i phyir ro/ /blo gros chen po gal te de bzhin gshegs pa dngos po yin min byas pa'am/ mi rtag par
261a4 'gyur te/ mi rtag pa'i phyir dngos po thams cad kyang de bzhin gshegs par 'gyur bas na/ de ni nga dang de bzhin gshegs pa thams cad kyang mi bzhed do/ /ci ste byas pa ma yin na ni dmigs su med pa'i phyir sbyor ba rnams don med par 'gyur te/ ri bong gi rwa dang / mo
261a5 sham gyi bu ltar yod pa ma yin pa'i phyir ro/ /blo gros chen po gang dngos po yang med/ rgyu yang med pa ni yod pa yang ma yin med pa yang ma yin/ gang yod pa yang ma yin/ med pa yang ma yin pa de ni mtha' bzhi las 'das pa'o/ /mtha' bzhi gang yin pa de ni 'jig rten gyi brjod
261a6 pa'o/ /gang mtha' bzhi las 'das pa de ni mtha' bzhir ma lhung ba'o/ /ma lhung ba'i phyir mkhas pa rnams kyis len par byed de/ de bzhin gshegs pa thams cad kyis tshig gi don kyang de bzhin du rig par bya'o/ /blo gros chen po blo dang ldan pa rnams kyis ji ltar ngas chos thams cad
261a7 bdag med pa'o zhes bshad pa de'i don kyang khong du chud par bya'o/ /bdag med pa'i dngos po ni bdag med pa nyid de chos thams cad ni rang gi dngos por yod kyi gzhan gyi dngos por ni med do/ /ji ltar ba lang dang rta bzhin te/ blo gros chen po dper na ba lang dang / rta'i dngos po ma yin pa la
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u