| e-texts navigator |
| བོད་ཡིག |
259a1 mya ngan las 'das pa'i rjes su 'thun par 'gyur ba ma yin pa bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis 'di skad ces bka' stsal to/ /blo gros chen po mu stegs
259a2 can kha cig ni phung po dang / khams dang / skye mched rnams 'gags pa dang / yul 'dod chags dang bral ba dang / chos rnams mi rtag par mthong ba dang / sems dang sems las byung ba'i chos kyi phyogs mi skye ba dang / 'das pa dang / ma 'ongs pa dang / da ltar gyi yul mi
259a3 dran pa dang / nye bar len pa phung po zad pa mar me bzhin 'gags pa dang / sa bon ltar zhig pas rnam par rtog pa mi skye'o zhes de dag gis 'di dag la mya ngan las 'das par 'du shes te/ blo gros chen po 'jig par lta ba la mya ngan las 'das pa zhes bya ba ni ma yin no/ /kha cig ni
259a4 phyogs nas phyogs su song na thar pa zhes brjod do/ /kha cig ni yul gyi rtog pa 'gags te/ ji ltar rlung zhi ba bzhin du gyur na thar pa zhes brjod do/ /kha cig ni blo dang rig par bya ba mthong ba rnam par zhig pa la thar pa zhes brjod do/ /kha cig ni rtag pa dang / mi rtag par mthong ba la
259a5 thar pa'o zhes 'du shes so/ /kha cig ni mtshan mar 'du shes pa mang po ni sdug bsngal bskyed pa'i rgyu 'thob par 'gyur ro snyam du bsams nas/ rang gi sems snang ba tsam la mi mkhas pas mtshan ma rnams kyis 'jigs shing skrag ste/ mtshan ma med par mthong ba la rab tu mos
259a6 shing 'dod nas mya ngan las 'das par 'du shes so/ /kha cig ni nang dang phyi'i chos thams cad kyi rang dang spyi'i mtshan nyid khong du chud pa dang / 'das pa dang / ma 'ongs pa dang / da ltar byung ba ni dngos por yod de/ mi 'jigs pa'o zhes mya ngan las 'das par 'du shes so/ /kha cig
259a7 ni bdag dang / gang zag dang / sems can dang / srog dang / chos thams cad mi 'jig pa la mya ngan las 'das par 'du shes so/ /mu stegs can kha cig ni log pa'i mes shes rab sreg pa dang / rang bzhin dang / skyes bu mthong zhing / de gnyis kyi yod pa las skyes bus
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u