rKTs

e-texts navigator

Volume

Page

258b₁ par smra ba yongs su bzung bas ni rtag par lta ba 'byung ngo / /phyi rol gyi rgyu 'jig cing rgyu dang rkyen dngos po med par mthong ba las ni chad par lta ba 'byung ste/ blo gros chen po de ni skye ba dang / gnas pa dang / 'jig pa mi mthong ba'i phyir chos zhes bya'o/ /blo gros chen
258b₂ po de ni zang zing dang chos zhes bya ste/ de la khyod dang byang chub sems dpa' sems dpa' chen po gzhan dag gis bslab par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /'jig rten rgyang pan thams
258b₃ cad ni/ /mu stegs can gyis bshad de / /rnam rtog byed dang bya bar mthong / /de la rang gi grub mtha' med/ /nga yi grub mtha' 'di 'ba' zhig /byed dang bya ba yongs su spangs/ /'jig rten rgyang pan rnam bral ba/ /slob ma rnams la rab tu bshad/ /sems
258b₄ tsam de ni mi dmigs pas/ /sems gnyis so sor rtog mi byed/ /gzung dang 'dzin pa dngos med de/ /rtag chad gnyi ga yongs su spangs/ /ji srid sems ni 'jug pa'i bar/ /de srid 'jig rten rgyang pan yin/ /rnam par rtog pa mi 'jug na/ /des ni rang gi
258b₅ sems mthong ngo / /'ong tshe dngos po skye zhes bya/ /'gro tshe dngos po yong mi snang / /'gro 'ong legs par gsal rtogs na/ /rnam par rtog pa yang mi skye/ /rtag pa dang ni mi rtag dang / /byas pa dang ni ma byas pa/ /'jig rten 'di dang 'jig rten gzhan/ /thams cad
258b₆ 'jig rten rgyang pan tshul/ /de nas yang blo gros chen pos bcom ldan 'das la 'di skad ces gsol to/ /bcom ldan 'das mya ngan las 'das pa zhes bgyi ba/ chos ji lta bu zhig la mya ngan las 'das pa zhes bgyi na/ mu stegs can rnams so so nas rnam par
258b₇ rtog pa skyed par bgyid/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung shig dang / ngas khyod la ji ltar mu stegs can rnams mya ngan las 'das par rnam par rtog pa dang / de dag gi rnam par rtog pa

_{iiif viewer powered by OpenSeadragon}

258a - 259a

Texts on this page