rKTs

e-texts navigator

Volume

Page

258a₁ bka' stsal pa/ blo gros chen po khyod kyis ma 'ongs pa'i sems can rnams kyi phyir tshig gi don 'di lta bu sems shing 'dri ba legs so legs so/ /de'i phyir shin tu legs par nyon la yid la zung shig dang ngas khyod la bshad do/ /blo gros chen pos bcom
258a₂ ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po 'di lta ste/ zang zing zhes bya ba ni len pa dang / gtong ba dang / reg pa dang / myang ba dang / phyi rol gyi yul la mngon par zhen pa dang /
258a₃ mtha' gnyis kyi lta bar lhung ba dang / yang sdug bsngal gyi phung po skyed pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / 'khrug pa rnams te/ de lta bu'i sgyu ma rnams ni sred pa las byung bas/ de'i phyir 'jig rten rgyang
258a₄ pan slob cing sten pa rnams dang / 'jig rten rgyang pan pa rnams ni nga dang sangs rgyas gzhan dag gis kyang zang zing zhes brjod de/ 'di ni zang zing sdud cing chos sdud pa ma yin pa zhes bya'o/ /blo gros chen po chos sdud pa gang zhe na/ 'di lta ste/ rang gi sems snang ba tsam du
258a₅ legs par rtogs shing khong du chud pa dang / gang zag dang chos bdag med pa'i mtshan nyid thob pas rnam par rtog pa mi skye ba dang / sa rnams la gong nas gong du shin tu mkhas pas sems dang yid dang / yid kyi rnam par shes pa ldog pa dang / sangs rgyas thams cad
258a₆ kyi ye shes dang / dbang bskur ba phun sum tshogs pa dang / mthar thug pa med pa'i gnas bcu yongs su gzung ba dang / chos thams cad la rtsol ba med par dbang byed pa ni chos zhes bya ste/ de ni 'di lta ste/ lta ba thams cad dang / spros pa thams cad dang /
258a₇ rnam par rtog pa thams cad dang / dngos po thams cad dang / mtha' gnyis thams cad du mi ltung ngo / /blo gros chen po mu stegs can byis pa rnams ni phal cher rtag pa dang / chad pa'i mtha' gnyis su ltung gi mkhas pa rnams ni ma yin no/ /de la rgyu med

_{iiif viewer powered by OpenSeadragon}

257b - 258b

Texts on this page