rKTs

e-texts navigator

Volume

Page

257b₁ pan ma yin pa dang / grub pa'i mtha' med pa yang ma yin pa dang / mi ston pa yang ma yin pa de lta bu yin/ ngas de'i tshe 'di skad du bram ze 'jig rten rgyang pan ma yin pa yod de/ mu stegs can khyed rnams kyis shes par mi nus te/ 'di ltar pha rol gyi dngos po la
257b₂ yang dag pa ma yin pa rnam par rtog pa'i spros pas mngon par zhen pa'i phyir ro/ /'di lta ste rnam par rtog pa mi skye zhing yod pa dang med pa rang gi sems snang ba tsam du khong du chud pas rnam par rtog pa mi skye ba dang / phyi rol gyi yul la 'dzin pa med cing rnam par rtog pa rab tu
257b₃ zhi ba de ni 'jig rten rgyang pan ma yin pa zhes bya ste/ 'di ni nga'i chos yin pas khyod la yod pa ma yin no/ /kye bram ze mdor bsdus te bstan na rnam par shes pa de 'ong ba dang / 'gro ba dang / shi 'pho ba dang / skye ba dang / bde ba dang / sdug bsngal ba dang / bya ba dang /
257b₄ lta ba dang / reg pa dang / mtshan nyid sna tshogs la mngon par zhen pa dang / 'dus te mtshams sbyor ba dang / sred pa dang / rgyu la mngon par zhen pa ste/ kye bram ze 'di lta bu la sogs pa de dag thams cad ni khyod la sogs pa'i 'jig rten rgyang pan yin te nga la yod
257b₅ pa ni ma yin no/ /blo gros chen po bram ze 'jig rten rgyang pan pas dris pa la ngas de skad du lan btab pa dang / de cang mi smra bar gyur te/ lan med pas slar song ngo / /de rang gi tshul gyi gnas la sems shing 'di skad du dge sbyong shAkya'i bu ni tshul las shin tu
257b₆ 'das pas na skye ba med pa dang / mtshan ma med pa dang / rgyu med pa dang / rang gi rnam par rtog pa snang ba'i mtshan nyid khong du chud pas rnam par rtog pa mi skye bar smra'o snyam mo/ /blo gros chen po 'di ni khyod kyis sngar nga la ci'i slad du 'jig rten rgyang pan pa spobs pa sna tshogs can
257b₇ la slob cing bsten la zang zing sdud de/ chos sdud pa ma yin no zhes bka' stsal ces dris pa'i'o/ /blo gros chen pos bcom ldan 'das la gsol pa/ bcom ldan 'das zang zing sdud pa dang / chos zhes bgyi ba'i tshig gi don ji lta bu lags/ bcom ldan 'das kyis

_{iiif viewer powered by OpenSeadragon}

257a - 258a

Texts on this page