rKTs

e-texts navigator

Volume

Page

257a₁ 'ba' zhig ston gyi/ ji ltar mu stegs can dag bdag dang / dbang po rnams dang / don gsum 'dus pa las shes pa skye ba lta bur nga ni de lta bu ma yin no/ /bram ze nga ni rgyur smra ba yang ma yin/ rgyu med par smra ba yang ma yin gyi/ rnam par rtog
257a₂ pa gzung ba dang / 'dzin pa'i dngos po tsam la rten cing 'brel bar 'byung ba zhes nye bar 'dogs te/ khyod dang gang dag bdag tu 'dzin par lhung ba'i rgyun chad dag gis shes par bya ba ma yin no/ /blo gros chen po mya ngan las 'das pa dang / nam mkha' dang / 'gog
257a₃ pa dag rnam pa gsum du yod pa ma yin gyi/ grangs tsam du gsum yod par zad do/ /gzhan yang blo gros chen po de'i tshe bram ze 'jig rten rgyang pan pa nga la 'di skad ces zer ro/ /kye mi shes pa dang / sred pa dang / las kyi rgyu'i phyir srid pa gsum yod par gyur
257a₄ pa'am/ 'on kyang rgyu med pa las yin/ ngas de'i tshe 'di skad ces 'di gnyi ga yang 'jig rten rgyang pan pa'o zhes smras so/ /des yang 'di skad du kye dngos po thams cad rang dang spyi'i mtshan nyid du gtogs pa zhig yin nam/ zhes dris pa dang / nga yang 'di skad du 'di
257a₅ yang 'jig rten rgyang pan pa nyid yin te/ bram ze ji tsam du yid rnam par g.yos pa dang / phyi rol gyi don la mngon par zhen cing rnam par rtog pa de dag thams cad kyang 'jig rten rgyang pan pa'o zhes smras so/ /gzhan yang blo gros chen po de'i tshe bram ze 'jig rten rgyang
257a₆ pan pas nga la yang dris pa/ kye 'jig rten rgyang pan pa ma yin pa 'ga' lta yod dam/ bdag ni mu stegs can thams cad kyi gtso bo yin te/ tshig gi tshogs dang / rgyu dang / dpe sna tshogs kyi bkod pa dag ston pa'o/ /ngas yang 'di skad du/ kye bram ze
257a₇ yod de/ khyod la yod pa ni ma yin no/ /grub pa'i mtha' med pa yang ma yin/ ston pa yang ma yin/ sna tshogs kyi tshig gi tshogs mi ston pa yang ma yin/ rgyu dang dpe mi 'god pa yang ma yin no zhes smras so/ /bram zes smras pa/ 'jig rten rgyang

_{iiif viewer powered by OpenSeadragon}

256b - 257b

Texts on this page