rKTs

e-texts navigator

Volume

Page

255a₁ yang bstan pa'i phyir tshigs su bcad pa 'di gsungs so/ /nga yi tshul ni rnam gnyis te/ /grub pa'i mtha' dang bstan pa'o/ /byis pa rnams la brjod pa bshad/ /rnal 'byor pa la grub mtha'o/ /de nas byang chub sems dpa' blo gros chen pos
255a₂ bcom ldan 'das la 'di skad ces gsol to/ /bcom ldan 'das ji ltar bcom ldan 'das kyis dus gcig gi tshe 'di skad du 'jig rten rgyang pan pa'i smra ba dang / spobs pa can sna tshogs la bslab cing bsnyen par mi bya'o/ /de la slob cing bsnyen na zang zing sdud de chos
255a₃ sdud pa ma yin no/ /zhes gsungs na/ bcom ldan 'das ci'i slad du de skad ces bka' stsal/ bcom ldan 'das kyis bka' stsal pa/ blo gros chen po 'jig rten rgyang pan pa rnams ni sna tshogs pa'i tshig gi tshogs dang / rgyu dang rkyen dang / dpe rnams sdud cing 'god
255a₄ pa dag gis byis pa so so'i skye bo rnams slu zhing rnam par rmongs par byed pas yang dag pa de kho na'i rang gi tshul la 'jug par mi byed la chos thams cad khong du mi chud de/ phyin ci log tu rnam par rtog pas mtha' gnyis su lhung ba dang / byis pa dag shin tu rmongs par byed cing
255a₅ bdag nyid kyis yang rnam par 'jig pas 'gro ba rnams su mtshams sbyor gyi/ rnam par grol na mi 'thob ste/ rang gi sems snang ba tsam du khong du ma chud cing phyi rol gyi dngos po'i rang bzhin ma spangs pa dang / rnam par rtog pa la mngon par zhen pas so/ /de lta bas
255a₆ na 'jig rten rgyang pan pa spobs pa sna tshogs can ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / 'khrugs pa las yongs su mi 'grol te/ yongs su slu zhing shin tu rmongs par byed pa yin no/ /blo gros
255a₇ chen po brgya byin lha'i dbang po bstan bcos mang po la mkhas pas bdag nyid kyis sgra'i bstan bcos byas pa las 'jig rten rgyang pan pa de'i slob ma klu'i gzugs dang cha byad 'dzin pa zhig brgya byin lha'i dbang po'i gnas su song nas/ 'di skad du dam bcas so/ /bdag khyod dang

_{iiif viewer powered by OpenSeadragon}

254b - 255b

Texts on this page