| e-texts navigator |
| བོད་ཡིག |
252a1 gsungs shing 'phags pa'i rang bzhin gyi dngos po bka' stsal/ bcom ldan 'das kyis bka' stsal pa/ blo gros chen po nga ni stong pa'i chos dngos po med par bshad pa yang ma yin/ yod pa'i lta bar lhung bas 'phags pa'i ye shes kyi rang
252a2 bzhin gyi dngos po bstan pa yang ma yin te/ 'on kyang sems can rnams kyi skrag pa'i gnas yongs su spang ba'i phyir sems can gang dag thog ma med pa'i dus nas dngos po'i rang bzhin gyi mtshan nyid la mngon par zhen pa/ 'phags pa'i ye shes kyi dngos po'i rang
252a3 bzhin la mtshan nyid du lta zhing mngon par zhen pa dag la stong pa nyid kyi chos bshad do/ /blo gros chen po ngas dngos po'i rang bzhin bstan pa ni med mod kyi/ /blo gros chen po 'on kyang nga ni rang nyid kyis yang dag pa ji lta ba bzhin du khong du chud pa/ stong pa nyid kyi chos
252a4 la rab tu gnas shing nor pa'i mtshan nyid du lta ba yongs su spangs pas rang gi sems snang ba dang / dngos po dang / dngos po med par lta ba dang bral ba rnam par thar pa gsum gyi yang dag pa ji lta ba bzhin du khong du chud pa'i phyag rgyas shin tu btab cing dngos po'i
252a5 rang bzhin rnams la so so rang gis rig pa'i blos so sor rab tu rtog cing gnas pas yod pa dang / med pa'i dngos por lta ba'i mtshan nyid yongs su spangs pa yin no/ /gzhan yang blo gros chen po byang chub sems dpa' sems dpa' chen pos chos thams cad ma
252a6 skyes pa'o zhes dam bca' bar mi bya'o/ /de ci'i phyir zhe na/ 'di lta ste/ dam bca' ba'i dngos po thams cad dngos po med pa'i phyir dang / de'i rgyu las skye ba'i mtshan nyid kyi phyir chos thams cad ma skyes pa'o zhes dam bcas te smras na/ dam bcas pa de
252a7 nyams par 'gyur ro/ /gang dam bcas pa des chos thams cad ma skyes pa'o zhes dam bcas pa de nyams par 'gyur ba ni 'di ltar dam bca' ba yang ltos pa yod pa las skyes pa'i phyir ro/ /yang ma skyes pa zhes dam bcas pa de ni chos thams cad kyi nang du
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u