| e-texts navigator |
| བོད་ཡིག |
251a1 dngos po gang dang gang brtags pa de dang de dag ni kun brtags pa nyid de/ de dag la rang bzhin med pas kun brtags pa'i rang bzhin kho na'o zhes gang gsungs pa/ bcom ldan 'das gal te kun brtags pa'i rang bzhin tsam kho na ste/ dngos po'i rang
251a2 bzhin gyi mtshan nyid la ltos pa zhig ma lags na/ bcom ldan 'das kun nas nyon mongs pa dang / rnam par byang ba dngos po ma mchis par bka' stsal pa'i skyon du mi 'gyur ba lags sam/ chos thams cad ni kun brtags pa'i rang bzhin nyid de dngos po ma mchis
251a3 pa'i slad du'o/ /bcom ldan 'das kyis bka' stsal pa/ blo gros chen po de de bzhin te/ khyod kyis ji skad smras pa bzhin no/ /blo gros chen po ji ltar byis pa so so'i skye bo rnams kyis dngos po'i rang bzhin du rnam par brtags pa ltar yang dag pa nyid ni de lta ma yin pas
251a4 kun brtags pa'i rang bzhin de ni dngos po'i rang bzhin gyi mtshan nyid du yod pa ma yin te/ 'on kyang blo gros chen po 'phags pa rnams kyi ye shes kyis dngos po yod pa'i rang bzhin ji lta ba bzhin du 'phags pa'i ye shes dang / 'phags pa'i mthong ba dang / 'phags pa'i
251a5 shes rab kyi mig gis dngos po'i rang bzhin de bzhin du rtogs so/ /blo gros chen pos gsol pa/ bcom ldan 'das gal te 'phags pa rnams kyi 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis lags kyi
251a6 lha'i mig dang / sha'i mig gis dngos po'i rang bzhin de bzhin du rtogs par mi 'gyur te/ byis pa so so'i skye bo dag gis ji ltar brtags pa de ltar ma lags na/ bcom ldan 'das ji ltar byis pa so so'i skye bo rnams kyi rnam par rtog pa ldog par 'gyur te/
251a7 'phags pa'i ngo bo nyid kyi dngos po khong du ma chud pa'i slad du'o/ /bcom ldan 'das de dag ni phyin ci log kyang ma lags/ phyin ci ma log pa yang ma lags so/ /de ci'i slad du zhe na/ 'di lta ste/ 'phags pa'i dngos po'i ngo bo'i rang bzhin khong du ma chud
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u