rKTs

e-texts navigator

Volume

Page

250a₁ theg pa dang / theg pa ma yin par rnam par rtog pa mngon par zhen pa'i mtshams sbyor ba dang / 'dus byas dang 'dus ma byas su rnam par rtog pa mngon par zhen pa'i mtshams sbyor ba dang / sa dang sa'i rang gi mtshan nyid la rnam par rtog pa mngon par zhen
250a₂ pa'i mtshams sbyor ba dang / rang gi rnam par rtog pa la bar chad med pa yod par rnam par rtog pa mngon par zhen pa'i mtshams sbyor ba dang / yod pa dang med pa'i phyogs mu stegs can gyi gnas la rnam par rtog pa mngon par zhen pa'i mtshams sbyor ba dang / theg pa
250a₃ gsum dang / theg pa gcig la bar chad med pa yod par rnam par rtog pa mngon par zhen pa'i mtshams sbyor ba'o/ /blo gros chen po de dag dang gzhan rnams kyang byis pa so so'i skye bo rnams kyis rang gi rnam par rtog pas mtshams sbyor ba yin te/ de ltar mtshams sbyor
250a₄ ba'i phyir byis pa so so'i skye bo rnams rnam par rtog par byed pas ji ltar dar gyi srin bu skon pa byed pa bzhin du rnam par rtog pa'i dar skud kyis bdag dang gzhan la yongs su dkri zhing yod pa dang med par mtshams sbyor ba'i mtshan nyid la mngon par zhen to/ /blo gros chen po
250a₅ 'di la mtshams sbyor ba dang / mtshams mi sbyor ba'i mtshan nyid gang yang med de/ chos thams cad rab tu dben par mthong bas rnam par rtog pa mi 'byung ba'i phyir byang chub sems dpa' sems dpa' chen po rnams chos thams cad rab tu dben par mthong ngo / /gzhan yang
250a₆ blo gros chen po phyi rol gyi dngos po rnams dngos po med pa dang / rang gi sems snang ba'i mtshan nyid du khong du chud cing snang ba med pa dang / rang gi sems snang ba tsam du so sor rtog pa'i rjes su 'brang ba dang / yod pa dang med pa'i dngos po thams cad kyi mtshan ma med pa dang /
250a₇ rnam par rtog pa'i mtshams sbyor ba rab tu dben par mthong ba'i phyir chos thams cad la mtshams sbyor ba yang med/ mtshams sbyor ba ma yin pa'i mtshan nyid kyang med do/ /blo gros chen po 'di la gang yang 'ching ba'am grol ba med de/ gzhan du na yang dag pa ma yin

_{iiif viewer powered by OpenSeadragon}

249b - 250b

Texts on this page