| e-texts navigator |
| བོད་ཡིག |
248a1 'das pa'i ye shes gang zhe na/ 'di lta ste/ nyan thos dang / rang sangs rgyas thams cad rang dang spyi'i mtshan nyid du lhung ba'i bsams pa la mngon par zhen pa'o/ /'jig rten las 'das pa mchog gi ye shes gang zhe na/ 'di lta ste/ sangs
248a2 rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang / skye ba med pa dang / 'gag pa med par mthong ba dang / yod pa dang / med pa'i phyogs dang bral ba/ de bzhin gshegs pa'i sa/ gang zag dang / chos bdag tu
248a3 med pa so so rang gis rig pa las byung ba'o/ /gzhan yang ye shes ni rnam pa gsum yod de/ 'di lta ste/ skye ba dang / 'jig pa rtogs pa'i ye shes dang / rang dang spyi'i mtshan nyid rtogs pa'i ye shes dang / skye ba med pa dang 'gag pa med pa rtogs pa'i ye
248a4 shes so/ /blo gros chen po de la skye zhing 'jig pa ni rnam par shes pa'o/ /mi skye mi 'jig pa ni ye shes so/ /mtshan ma dang mtshan ma med par lhung ba dang / yod pa dang med par lhung ba dang / mtshan nyid sna tshogs kyi rgyu las skyes pa ni rnam par shes pa'o/ /
248a5 yod pa dang med pa'i mtshan nyid las shin du 'das pa ni ye shes so/ /gzhan yang skye ba dang ldan pa'i mtshan nyid ni rnam par shes pa'o/ /skye ba med pa dang ldan pa'i mtshan nyid ni ye shes so/ /gzhan yang thogs pa med pa'i mtshan nyid ni ye shes so/ /yul sna
248a6 tshogs la thogs pa dang bcas pa'i mtshan nyid ni rnam par shes pa'o/ /gzhan yang dngos po gsum 'dus pa las skye ba'i thabs kyi mtshan nyid ni rnam par shes pa'o/ /dngos po dang thabs med pa'i rang bzhin gyi mtshan nyid ni ye shes so/ /gzhan yang thob
248a7 pa'i mtshan nyid ni rnam par shes pa'o/ /thob pa med pa'i mtshan nyid ni ye shes te/ rang nyid 'phags pa'i so so rang gis rig pa'i ye shes kyi spyod yul rtogs pas na mi 'jug mi 'byung ba'i phyir chu'i zla ba bzhin no/ /de nas bcom ldan 'das kyis don de nyid
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u