rKTs

e-texts navigator

Volume

Page

247b₁ sems dang rang bzhin la sogs pa la sgra ji bzhin du mngon par zhen pa la brten nas mngon par zhen pa ni sgro 'dogs pa dang / skur pa'i mthar lhung ba yin no/ /lta ba rnam pa gzhan du gnas la rnam par gzhag pa gzhan du rnam par rtog pa ni sgyu ma lta bu'i rnam par
247b₂ rtog pa sna tshogs su snang ste/ ji ltar sgyu ma sna tshogs su snang ba de bzhin du byis pa so so'i skye bo rnams rnam pa gzhan du so sor rnam par rtog gi 'phags pa rnams ni ma yin no/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag
247b₃ gsungs so/ /sgra bzhin rnam rtog de dag gis/ /chos rnams gang dag rnam gzhag pa/ /de ltar de dag sgro btags pas/ /shi 'phos dmyal ba'i gnas su lhung / /phung po rnams la bdag med de/ /phung po nyid kyang bdag ma yin/ /de dag btags pa bzhin du
247b₄ med/ /med pa nyid kyang ma yin no/ /dngos po thams cad yod gyur la/ /ji ltar byis pas brtags pa ltar/ /de ste mthong bzhin de yod na/ /thams cad bden pa mthong bar 'gyur/ /chos rnams dngos po med na ni/ /rnam dag ma dag yod ma yin/ /ji ltar mthong ba
247b₅ bzhin min te/ /de dag med pa'ang ma yin no/ /gzhan yang blo gros chen po ye shes dang rnam par shes pa'i mtshan nyid bshad par bya ste/ gal te ye shes dang rnam par shes pa'i mtshan nyid rab tu dbye ba la mkhas par gyur na/ khyod dang byang chub sems dpa'
247b₆ rnams ye shes dang / rnam par shes pa'i mtshan nyid rtogs par khong du chud cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de la blo gros chen po ye shes de ni rnam pa gsum yod de/ 'di lta ste/ 'jig
247b₇ rten pa dang / 'jig rten las 'das pa dang / 'jig rten las 'das pa'i mchog go/ /de la 'jig rten pa'i ye shes gang zhe na/ 'di lta ste/ mu stegs can dang / byis pa so so'i skye bo rnams yod pa dang / med pa la mngon par zhen pa'o/ /'jig rten las

_{iiif viewer powered by OpenSeadragon}

247a - 248a

Texts on this page