rKTs

e-texts navigator

Volume

Page

247a₁ la ngag ni ji lta bu don ni ji lta bu lags/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa legs so/ /bcom ldan 'das
247a₂ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ de la blo gros chen po ngag gang zhe na/ 'di lta ste/ tshig dang yi ge'i rnam par rtog pa phrad pa yin te/ mgrin pa dang / mid pa dang / mchu dang / lce dang / so dang / rkan dang / 'gram
247a₃ pa la brten nas ngag tu brjod pa'i rnam par rtog pa'i bag chags kyi rgyu de las byung ba de ni ngag ces bya'o/ /blo gros chen po don gang zhe na/ 'di lta ste/ rnam par rtog pa'i mtshan nyid thams cad dang / brjod pa'i mtshan nyid yongs su spangs pa de ni don ces bya'o/ /blo gros
247a₄ chen po byang chub sems dpa' sems dpa' chen pos don 'di lta bu'i phyir gcig pu dben par song nas thos pa dang / bsams pa dang / bsgoms pa'i shes rab kyis rang gis rig pa la dmigs shing mya ngan las 'da' ba'i grong khyer du 'gro ba/ bag chags kyi lus rab tu
247a₅ gyur nas so so rang gis rig pa'i spyod yul sa dang sa'i gnas gzhan gyi bye brag gi don gyi mtshan nyid la rab tu spyod pa de ni byang chub sems dpa' sems dpa' chen po rnams kyi don la mkhas pa yin no/ /gzhan yang blo gros chen po ngag gi don la mkhas pa'i byang chub sems
247a₆ dpa' sems dpa' chen po ni ngag dang don tha dad pa yang ma yin/ tha mi dad par yang ma yin par so sor rab tu rtog ste/ don dang ngag la so sor rtog pa yang de bzhin no/ /gal te ngag dang don tha dad na ni don gsal bar byed pa'i rgyu dag ma yin par 'gyur ba zhig na/ ngag
247a₇ gi don gyi rjes su 'jug ste/ ji ltar mar mes gzugs la sogs pa gsal bar byed pa bzhin no/ /gzhan yang blo gros chen po ma skyes pa dang / ma 'gags pa dang / rang bzhin gyis yongs su mya ngan las 'das pa dang / theg pa gsum dang / theg pa gcig dang /

_{iiif viewer powered by OpenSeadragon}

246b - 247b

Texts on this page