rKTs

e-texts navigator

Volume

Page

246b₁ byas pa yin/ /byas pa rnams ni bdag yod min/ /dngos pos dngos po mi skyed de/ /dngos po gnyis yod skyon phyir dang / /dngos po gnyis med skyon gyi phyir/ /dngos po rnams ni gnyis su med/ /'dus byas chos rnams rab brtags te/ /dmigs byed dmigs
246b₂ bya yongs spangs na/ /de ni sems med sems tsam ste/ /sems tsam du yang ngas bshad do/ /tsam ni ngo bo nyid kyi gnas/ /rkyen dngos gnyi ga spangs pa ste/ /dngos po mthar thug dag gi mchog /sems tsam zhes ni ngas bshad do/ /kun rdzob bdag
246b₃ ces nyer brtags pa/ /de ni rdzas su yod ma yin/ /phung po phung po zhes btags pa/ /dngos med pa yang de bzhin no/ /mnyam pa nyid ni rnam bzhi ste/ /mtshan nyid dang rgyu dngos las byung / /gsum pa bdag med mnyam pa ste/ /bzhi pa rnal 'byor rnal 'byor
246b₄ pa/ /rnam rtog bag chags g.yos pas na/ /sems ni rnam pa sna tshogs skyes/ /yul rnams phyi rol snang bar gyur/ /de ni 'jig rten sems tsam mo/ /phyi rol snang ba yod min te/ /sems ni sna tshogs rnams su snang / /lus dang longs spyod rnams gzhag
246b₅ pa/ /sems tsam du ni ngas bshad do/ /lta ba thams cad yongs spongs shing / /rtog dang brtag bya bral ba ste/ /dmigs med skye ba med pa ni/ /sems tsam du yang ngas bshad do/ /dngos med dngos med ma yin pa/ /dngos dang dngos med spangs pas na/ /sems
246b₆ de rnam par grol zhes pa/ /sems tsam du yang ngas bshad do/ /de bzhin nyid dang yang dag mtha'/ /mya ngan 'das dang chos kyi dbyings/ /sna tshogs yid kyi lus rnams ni/ /sems tsam du yang ngas bshad do/ /de nas byang chub sems dpa' blo gros chen
246b₇ pos bcom ldan 'das la 'di skad ces gsol to/ /'di ltar bcom ldan 'das kyis byang chub sems dpa' sems dpa' chen po rnams ngag dang don la mkhas par bya'o/ /zhes gsungs na/ ji ltar na byang chub sems dpa' ngag dang don la mkhas pa lags/ de

_{iiif viewer powered by OpenSeadragon}

246a - 247a

Texts on this page