rKTs

e-texts navigator

Volume

Page

246a₁ med pa'i phyir dang / rang gi sems snang ba tsam du rtogs pa'i phyir rnam par rtog pa mi skye'o/ /blo gros chen po ngas ni gzhan byis pa so so'i skye bo rang gi sems sna tshogs kyi rnam par rtog pa'i mtshan nyid kyi phyir las kyi dngos po mngon du gyur pas
246a₂ rnam par rtog pa sna tshogs kyi dngos po'i mtshan nyid la mngon par zhen pa 'byung bar bshad de/ ji ltar na byis pa so so'i skye bo 'di dag bdag dang bdag gir mngon par zhen par lta ba rnam par spangs te/ byed pa dang / bya ba'i rgyu rkyen dang / 'bras bu las bzlog
246a₃ cing rnam par rtog pa/ rang gi sems snang ba tsam du rtogs pas lus dang sems shin tu gyur te/ sa thams cad la mthar phyin par mkhas shing de bzhin gshegs pa dag gi so so rang gis rig pa'i spyod yul la 'jug pa dang / chos lnga dang / rang bzhin dang /
246a₄ dngos por lta ba'i rnam par rtog pa las ldog pa 'thob par 'gyur snyam nas/ rgyu de dang / rkyen de'i phyir ngas rnam par rtog pa rnams ni yang dag pa ma yin pa'i don sna tshogs la mngon par zhen pa las 'byung ngo zhes bshad pa yin te/ yang dag pa'i don ji lta ba bzhin du
246a₅ yongs su shes pas na rnam par grol ba 'thob ste/ rnam par rtog pa sna tshogs 'byung bar mi 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /rgyu rnams dang ni rkyen rnams kyis/ /gang rnams 'jig
246a₆ rten 'byung zhes pa/ /rnam rtog mtha' bzhir zhen pa ste/ /de dag nga yi tshul mi shes/ /'jig rten yod las mi skye ste/ /de bzhin med las skye ba'ang min/ /yod med las kyang mi skye zhing / /yod min med min las min na/ /rgyu dag dang ni rkyen rnams su/ /byis
246a₇ pa rnams ni ci phyir rtog / yod pa ma yin med pa'ang min/ /de bzhin yod med gnyi ga min/ /de ltar 'jig rten rab mthong na/ /sems gyur bdag med pa yang 'thob/ /dngos po thams cad mi skye ste/ /rkyen rnams las ni byung ba'i phyir/ /thams cad rkyen gyis

_{iiif viewer powered by OpenSeadragon}

245b - 246b

Texts on this page