rKTs

e-texts navigator

Volume

Page

245b₁ gyi don sna tshogs la mngon par zhen pa dang / sems dang sems las byung ba'i rnam par rtog pa ni bdag dang bdag gir mngon par zhen pa las 'byung ngo / /blo gros chen pos bcom ldan 'das la gsol pa/ bcom ldan 'das gal te don rnam pa tha dad pa sna
245b₂ tshogs dang / yang dag pa ma lags pa'i rnam par rtog pa sna tshogs las mngon par zhen pa'i rnam par rtog pa 'byung ste/ gzung ba dang / 'dzin pa la mngon par zhen pa dang / rang gi sems snang ba tsam du rtogs pa dang / mchis pa dang ma mchis pa'i lta bar
245b₃ lhung ba/ mu stegs can gyi lta ba rgyas par bgyid pa dang / rnam par rtog pa'i bag chags kyis phyi rol gyi don sna tshogs la mngon par zhen pa dang / sems dang sems las byung ba'i rnam par rtog pa dag /bdag dang bdag gir mngon par zhen pa las 'byung
245b₄ ba zhig lags na/ bcom ldan 'das de lta na ni phyi rol gyi don sna tshogs kyi mtshan nyid dang / mchis pa dang ma mchis par lhung ba'i mtshan nyid dngos po dang / dngos po ma mchis pa dang bral ba dang / lta ba dang bral ba'i mtshan nyid las ji ltar bzlog pa de bzhin du
245b₅ bcom ldan 'das don dam pa'i gnas su yang tshad ma dang / dbang po dang / yan lag dang / dpe dang / rgyu'i mtshan nyid las kyang bzlog par 'gyur ro/ /bcom ldan 'das ci'i slad du gcig la ni yang dag pa ma lags pa'i don sna tshogs kyi dngos por mngon par zhen
245b₆ pa'i rnam par rtog pa 'byung la/ don dam pa'i mtshan nyid la ni mngon par zhen pa'i rnam par rtog pa mi 'byung / ci bcom ldan 'das mi mtshungs pa rgyur gsung bar mi 'gyur ram zhe na gcig las ni 'byung / gcig las ni mi 'byung zhes bka' stsal/ bcom ldan
245b₇ 'das kyis bka' stsal pa/ blo gros chen po rnam par rtog pa ni gcig las 'byung ba'am/ gcig las mi 'byung ba ma yin te/ de ci'i phyir zhe na/ 'di lta ste/ yod pa dang med pa'i rnam par rtog pa mi 'byung ba'i phyir dang / phyi rol na snang ba'i dngos po dngos po

_{iiif viewer powered by OpenSeadragon}

245a - 246a

Texts on this page