| e-texts navigator |
| བོད་ཡིག |
245a1 rtog pa'i tshe/ /skye 'jig la sogs 'brel mthong ba/ /lta ba gnyis po rgyas par byed/ /phyin log shes pa med pa yin/ /gcig pa de ni yang dag bden/ /nyes med de ni mya ngan 'das/ /'jig rten rnam rtog rab brtags na/ /sgyu ma rmi lam
245a2 chu shing bzhin/ /'dod sdang gti mug yod kyang ni/ /yang dag gang zag yod pa min/ /sred pa las ni phung po 'byung / /srid pa sgyu ma rmi lam 'dra/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan
245a3 'das yang dag pa ma lags pa yongs su rtog pa'i mtshan nyid bdag la bshad du gsol/ yang dag pa ma lags pa'i yongs su rtog pa rnams ji ltar 'byung bar 'gyur/ ji lta bu la yang dag pa ma lags pa'i yongs su rtog pa zhes bgyi/ chos gang zhig la yang
245a4 dag pa ma lags pa yongs su rtog lags/ bcom ldan 'das kyis bka' stsal pa/ blo gros chen po legs so legs so/ /de bzhin gshegs pa la de lta bu'i don 'dri bar sems pa ni skye bo mang po la phan pa dang / skye bo mang po la bde ba dang / 'jig rten la snying
245a5 brtse ba dang / lha dang / mi phal po che'i don dang / phan pa dang bde ba'i phyir zhugs pa yin te/ de'i phyir shin tu legs par nyon la yid la zung shig dang / ngas khyod la bshad do/ /blo gros chen pos bcom ldan 'das la gsol pa/ legs so legs so/ /
245a6 bcom ldan 'das de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po don rnam pa tha dad pa sna tshogs dang / yang dag pa ma yin pa'i rnam par rtog pa sna tshogs las mngon par zhen pa'i rnam par rtog pa 'byung
245a7 ste/ blo gros chen po gzung ba dang / 'dzin pa la mngon par zhen pa dang / rang gi sems snang ba tsam du ma rtogs pa dang / yod pa dang med pa'i lta bar ltung ba/ mu stegs can gyi lta ba shin tu rgyas par byed pa dang / rnam par rtog pa'i bag chags kyis phyi rol
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u