rKTs

e-texts navigator

Volume

Page

244b₁ stsal pa/ blo gros chen po de'i phyir shin du legs par nyon la yid la zung shig dang / ngas khyod la bshad do/ /blo gros chen pos bcom ldan 'das la de bzhin 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen
244b₂ po nyan thos dang / rang sangs rgyas dang / byang chub sems dpa' thams cad kyi grub pa'i mtha'i tshul gyi mtshan nyid ni rnam pa gnyis te 'di lta ste/ grub pa'i mtha'i tshul dang / bshad pa'i tshul lo/ /de la blo gros chen po grub pa'i mtha'i tshul ni 'di lta ste/ so so rang
244b₃ gis rig pa'i bye brag gi mtshan nyid thob pa la dmigs pa/ tshig dang yi ge'i rnam par rtog pa dang bral ba zag pa med pa'i dbyings su 'jug pa/ rang gis rtogs pa'i sa'i rang gi mtshan nyid yang dag pa ma yin pa/ rtog pa can gyi 'du shes thams cad spangs pa/
244b₄ mu stegs can dang / bdud thams cad btul nas so so rang gis rig pa'i tshul la dmigs pa'i 'od kyis rnam par mdzes pa ni/ grub pa'i mtha'i tshul gyi mtshan nyid ces bya'o/ /de la bshad pa'i tshul gyi mtshan nyid gang zhe na 'di lta ste/ gsung rab yan lag rnam
244b₅ pa dgu sna tshogs su bshad pa yin te/ tha dad pa dang / tha dad pa ma yin pa dang / yod pa dang / med pa la sogs pa'i mtshan nyid spangs pa thabs mkhas pas sems can gyi mos pa ji lta ba bzhin du chos bstan nas rnam par grol ba 'thob par byed pa de ni bshad pa'i
244b₆ tshul gyi mtshan nyid ces bya'o/ /blo gros chen po de lta bas na khyod dang byang chub sems dpa' gzhan dag gis de la brtson par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /grub pa'i mtha' dang bshad
244b₇ tshul ni/ /so so rang rig bstan pa ste/ /gang gis mthong zhing rab 'byed na/ /de dag rtog pa'i dbang mi 'gro/ /ji ltar byis pa rtog pa bzhin/ /yang dag dngos po yod min na/ /ci phyir rtog pa can rnams kyis/ /dngos po med la thar par 'dod/ /'dus byas so sor

_{iiif viewer powered by OpenSeadragon}

244a - 245a

Texts on this page