| e-texts navigator |
| བོད་ཡིག |
244a1 'jig par mthong nas/ phung po dang / khams dang / skye mched rnams ni rgyun mi 'chad cing rnam par 'gyur ba dang / yi ge'i mtshan nyid dang bral bar rnam par rtog na yang rnam par 'jig par byed pa yin no/ /de nas bcom ldan 'das kyis don
244a2 de nyid yang bstan pa'i phyir tshigs su bcad pa 'di dag gsungs so/ /yod dang med pa mtha' gnyis te/ /ci tsam sems kyi spyod yul rnams/ /spyod yul de dag rab spangs na/ /sems mnyam rab dben zhi bar 'gyur/ /yul gyi dngos la 'dzin med pas/ /'gog
244a3 pa med pa ma yin te/ /yod pa'i dngos rnams de bzhin nyid/ /'phags pa'i spyod yul ji bzhin no/ /rgyu med pa las skye 'gyur zhing / /byung nas de ni 'gag par 'gyur/ /rgyu rkyen yod dang med ces pa/ /nga yi bstan la de mi gnas/ /mu stegs can dang sangs rgyas
244a4 dang / /nga dang gzhan gyis byas min te/ /rgyu rkyen 'dus las byung yin na/ /ji lta bur na med par 'gyur/ /rgyu rkyen yod pa sus bsags na/ /med pa zhes ni rjod par byed/ /log lta smra ba chos skye ba/ /rnam par rtog pas yod med brtags/ /gang gis
244a5 cung zad skye med dang / /'gag pa med par rab shes pa/ /'jig rten dben par mthong bas na/ /yod med gnyis las rnam par 'grol/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /
244a6 bcom ldan 'das bdag dang byang chub sems dpa' gzhan rnams la grub pa'i mtha'i tshul gyi mtshan nyid bshad du gsol/ grub pa'i mtha'i tshul gyi mtshan nyid rab tu dbye ba la mkhas par gyur na bdag dang byang chub sems dpa' rnams de'i mtshan nyid rtogs
244a7 par 'gyur te/ de'i mtshan nyid rtogs nas kyang myur du bla na med pa yang dag par rdzogs pa'i byang chub mngon par rdzogs par 'tshang rgya zhing rtog pa'i mtshan nyid dang / bdud dang mu stegs can gyi rjes su 'brang bar mi 'gyur ro/ /bcom ldan 'das kyis bka'
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u