| e-texts navigator |
| བོད་ཡིག |
242b1 pa de dag gi gang thugs su chud pa de bzhin du ngas kyang rang gis mngon par rtogs pa'i chos mthar phyin pa'i spyod yul tshig gi rnam par rtog pa dang bral ba/ yi ge'i tshul rnam pa gnyis las rnam par grol ba/ lhag chad med par thugs su chud pa'o/ /de la
242b2 ngo bo nyid kyis gnas pa'i chos gang zhe na/ 'di lta ste/ sngon gyi 'phags pa'i lam rnying pa gser dang / dngul la sogs pa'i ngo bo nyid bzhin du chos kyi dbyings rtag par gnas pa yang de bzhin gshegs pa rnams 'jig rten du byung yang rung / 'jig rten du ma
242b3 byung yang rung ste/ chos kyi dbyings rtag par gnas pa ni ji ltar grong khyer de dag du 'gro ba'i lam bzhin du 'dug pa'o/ /blo gros chen po dper na/ skyes bu la la zhig 'brog dgon pa na 'khyam pa las grong khyer rnying par 'gro ba'i lam mnyam zhing ma gol ba zhig
242b4 mthong nas/ grong khyer der zhugs te yid bzhin gyi bde ba rjes su myong na blo gros chen po de ji snyam du sems/ lam de dang / grong khyer na yod pa'i bde ba sna tshogs de dag des byas pa yin nam/ gsol pa/ de ma lags so/ /bcom ldan 'das kyis bka'
242b5 stsal pa/ blo gros chen po nga dang 'das pa'i de bzhin gshegs pa dag gis thugs su chud pa'i chos kyi dbyings mi 'gyur bar gnas pa yang de bzhin te/ des na de'i phyir ngas 'di skad du gang gi nub mo ngas mngon par rdzogs par sangs rgyas pa nas gang gi nub
242b6 mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi 'chad 'chad par mi 'gyur ro/ /zhes smras so/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /gang gi nub mo
242b7 mngon sangs rgyas/ /gang gi nub mo mya ngan 'das/ /de dag gnyis kyi bar du yang / /nga yis cung zad bshad pa med/ /rang gis mngon rtogs chos gnas pas/ /de phyir ngas ni 'di skad bshad/ /nga dang sangs rgyas de dag la/ /bye brag gyur pa ci yang med/ /
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u