| e-texts navigator |
| བོད་ཡིག |
242a1 dang / dpe byad bzang po'i skur mtshungs shing bye brag med de/ 'gro ba'i bye brag sems can de dang de dag gdul ba'i phyir gzugs tha dad pa sna tshogs ston pa ni ma gtogs te/ de ni sku mtshungs pa zhes bya'o/ /de la chos mtshungs pa gang zhe na/
242a2 'di lta ste/ nga dang sangs rgyas de dag byang chub kyi phyogs kyi chos sum cu rtsa bdun thugs su chud de/ sangs rgyas kyi chos rnams dang / sgrib pa med pa'i ye shes mdor bsdus te bstan pa de ni mtshungs pa rnam pa bzhi zhes bya ste/ de lta bas na de bzhin gshegs pa
242a3 dgra bcom pa yang dag par rdzogs pa'i sangs rgyas rnams 'khor gyi nang du de skad ces gsung ngo / /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /'od srung dang ni 'khor ba 'jig /gser thub kyang ni
242a4 nga yin zhes/ /mtshungs pa bzhi ni mnyam gyur pas/ /rgyal ba'i sras la ngas bshad do/ /blo gros chen pos yang bcom ldan 'das la gsol pa/ ji skad du bcom ldan 'das kyis nga ni gang gi nub mo mngon par rdzogs par sangs rgyas pa nas gang gi nub mo yongs
242a5 su mya ngan las 'da' bar 'gyur ba de'i bar du yi ge gcig kyang ma bshad/ mi 'chad 'chad par mi 'gyur te/ bshad pa med pa ni sangs rgyas kyis bshad pa'o zhes gsungs na/ bcom ldan 'das de bzhin gshegs pa dgra bcom pa yang dag par
242a6 rdzogs pa'i sangs rgyas rnams ci'i rgyus bshad pa med pa ni sangs rgyas kyis bshad pa'o zhes gsungs/ bcom ldan 'das kyis bka' stsal pa/ blo gros chen po ngas chos rnam pa gnyis la dgongs nas de skad ces smras so/ /chos gnyis gang zhe na/ 'di lta ste/
242a7 rang gis mngon par rtogs pa'i chos dang / ngo bo nyid kyis gnas pa'i chos te/ 'di ni chos gnyis zhes bya'o/ /chos gnyis po de las dgongs nas de'i phyir ngas de skad ces bshad do/ /de la rang gis mngon par rtogs pa'i chos gang zhe na/ de bzhin gshegs
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u