rKTs

e-texts navigator

Volume

Page

241b₁ gros chen pos bcom ldan 'das la 'di skad ces gsol to/ /ci'i slad du bcom ldan 'das kyis 'khor gyi nang du 'di skad ces nga ni gang 'das pa'i sangs rgyas thams cad nyid do/ /skyes pa'i rabs sna tshogs su yang nga nyid de'i tshe 'khor los sgyur ba'i
241b₂ rgyal po spyi bo skyes dang / glang po che so drug pa dang / ne tso dang / dbang po dang / drang srong mig la sogs pa'o zhes skyes pa'i rabs brgya stong gsungs/ bcom ldan 'das kyis bka' stsal pa/ blo gros chen po mtshungs pa rnam pa bzhi'i phyir de bzhin
241b₃ gshegs pa dgra bcom pa yang dag par rdzogs pa'i sangs rgyas rnams 'khor gyi nang du 'di skad ces nga nyid de'i tshe de'i dus na sangs rgyas 'khor ba 'jig dang / gser thub dang / 'od srung du gyur to zhes gsung ngo / /mtshungs pa rnam pa bzhi gang zhe na/ 'di lta ste/
241b₄ yi ge mtshungs pa dang / gsung mtshungs pa dang / chos mtshungs pa dang / sku mtshungs pa ni mtshungs pa rnam pa bzhi zhes bya ste/ 'di ltar mtshungs pa rnam pa 'di bzhi'i phyir de bzhin gshegs pa dgra bcom pa yang dag par rdzogs pa'i sangs rgyas de skad du
241b₅ gsungs te/ de la yi ge mtshungs pa gang zhe na/ yi ge gang gis nga'i ming sangs rgyas zhes brjod pa'i yi ge des sangs rgyas thams cad kyang brjod pas/ yi ge de dag gi rang bzhin bye brag med pas na de ni yi ge mtshungs pa zhes bya'o/ /de la gsung mtshungs
241b₆ pa gang zhe na 'di lta ste/ nga'i gsung rnam pa drug cu rtsa bzhi tshangs pa'i sgra skad kyi dbyangs kyi mtshan nyid du 'byung ngo / /de bzhin gshegs pa dgra bcom pa yang dag par rdzogs pa'i sangs rgyas de dag gi gsung yang de bzhin du rnam pa drug cu rtsa bzhi tshangs pa'i
241b₇ sgra skad kyi dbyangs kyi mtshan nyid du 'byung ste/ ka la ping ka dang / tshangs pa'i sgra skad kyi dbyangs kyi rang bzhin du bye brag med cing lhag chad med do/ /de la sku mtshungs pa gang zhe na/ 'di lta ste/ nga dang sangs rgyas thams cad ni chos kyi sku dang / gzugs dang / mtshan

_{iiif viewer powered by OpenSeadragon}

241a - 242a

Texts on this page