rKTs

e-texts navigator

Volume

Page

240b₁ pa dang / gzhan yang ting nge 'dzin gyi sgo dang / mtshan ma dang / stobs dang / dbang dang / mngon par shes pa dpag tu med pa 'thob ste/ me tog ltar rgyas shing yid bzhin du mgyogs pa dang / sgyu ma dang / rmi lam dang / chu zla dang / gzugs brnyan lta bu 'byung ba
240b₂ las gyur pa ma yin yang 'byung ba las gyur pa dang 'dra ba/ gzugs rnam pa sna tshogs thams cad kyis yan lag phun sum tshogs par brgyan pa/ sangs rgyas kyi zhing thams cad du 'khor gyi dkyil 'khor gyi rjes su 'jug pa/ chos kyi ngo bo nyid rtogs par khong du chud pa'i
240b₃ phyir de ni chos kyi ngo bo nyid rtogs pa las byung ba'i lus zhes bya'o/ /blo gros chen po de la ris su lhan cig skyes pa mngon par 'du bya ba med pa'i yid las byung ba'i lus gang zhe na/ 'di lta ste/ sangs rgyas kyi chos thams cad rtogs shing rang gis thob pa'i bde ba'i
240b₄ mtshan nyid la dmigs pa de ni ris su lhan cig skyes pa mngon par 'du bya ba med pa'i yid las byung ba'i lus zhes bya ste/ blo gros chen po lus gsum po de dag gi mtshan nyid rab tu dbye ba rtogs pa 'di la rab tu brtson par bya'o/ /de nas bcom ldan 'das kyis don
240b₅ de nyid yang dag par bstan pa'i phyir tshigs su bcad pa 'di dag gsungs so/ /nga yis theg pa theg chen min/ /bshad pa med cing yi ge med/ /bden pa ma yin rnam grol min/ /spyod yul med pa'ang ma yin te/ /'on kyang theg chen theg pa ni/ /ting nge
240b₆ 'dzin la dbang byed cing / /yid las byung lus sna tshogs la/ /dbang gi me tog dag gis brgyan/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das kyis ji skad du rigs kyi bu'am/ rigs
240b₇ kyi bu mo gang la la zhig gis mtshams med pa lnga'i las spyod kyang mnar med pa'i dmyal bar lhung bar mi 'gyur ba'i phyir dang / spro ba rab tu bskyed pa'i phyir byin gyi rlabs kyis sprul pa dag mngon par rtogs par rab tu ston to/ /mtshams med pa'i dngos po

_{iiif viewer powered by OpenSeadragon}

240a - 241a

Texts on this page