| e-texts navigator |
| བོད་ཡིག |
240a1 'phags pa lang kar gshegs pa rin po che'i mdo las/ bam po lnga pa/ de nas yang bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po yid las byung ba'i lus
240a2 rab tu dbye ba rtogs pa'i mtshan nyid bstan gyis de shin tu legs par nyon la yid la zung shig dang / ngas khyod la bshad do/ /blo gros chen pos bcom ldan 'das la gsol pa/ legs so bcom ldan 'das de bzhin du 'tshal lo zhes bka' mnyan pa dang /
240a3 de la bcom ldan 'das kyis 'di skad ces bka' stsal to/ /blo gros chen po yid las byung ba'i lus ni rnam pa gsum ste/ gsum gang zhe na/ 'di lta ste/ ting nge 'dzin gyi bde ba la snyoms par zhugs pa'i yid las byung ba'i lus dang / chos kyi ngo bo nyid
240a4 rtogs pa'i yid las byung ba'i lus dang / ris su lhan cig skyes pa mngon par 'du bya ba med pas yid las byung ba'i lus te/ rnal 'byor pa rnams kyis sa dang po nas gong nas gong du sa'i mtshan nyid yongs su shes pas lus rnam pa gsum po 'thob par 'gyur ro/ /
240a5 de la blo gros chen po ting nge 'dzin gyi bde ba la snyoms par zhugs pa'i yid las byung ba'i lus gang zhe na/ 'di lta ste/ sa gsum pa dang / bzhi pa dang / lnga pa la ting nge 'dzin gyi bde ba la snyoms par zhugs pa'i phyir rang gi sems rnam pa mang po dben par spyod pas
240a6 sems kyi rgya mtsho la gnas te/ rnam par shes pa'i rlabs kyi mtshan nyid mi 'byung bas rang gi sems snang ba'i yul dngos po yod pa dang / dngos po med pa yongs su shes pa ni ting nge 'dzin gyi bde ba la snyoms par zhugs pa'i yid las byung ba'i lus zhes bya'o/ /blo
240a7 gros chen po chos kyi ngo bo nyid rtogs pa'i yid las byung ba'i lus gang zhe na/ 'di lta ste/ sa brgyad pa la sgyu ma lta bu la sogs pa'i chos la snang ba med par rnam par khong du chud pas lus dang sems gnas shin tu gyur te/ sgyu ma lta bu'i ting nge 'dzin rab tu 'thob
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u