rKTs

e-texts navigator

Volume

Page

239b₁ bdag med par ma rtogs shing dngos po dang bcas pa'i 'chi 'pho ma spangs pa'i phyir theg pa gsum du bstan te/ blo gros chen po de dag na ma nyes pa'i bag chags thams cad spangs shing chos bdag med par rtogs pa de na de dag nyon mongs pa'i nyes pa thams cad skyed pa'i bag chags spangs
239b₂ te/ ting nge 'dzin gyi bde ba la ro myong ba'i dngos po med par gyur nas zag pa med pa'i dbyings las sad de/ sad nas yang 'jig rten las 'das par zhugs te/ gong nas gong du zag pa med pa'i dbyings su tshogs rnams yongs su bskangs nas/ de bzhin gshegs pa'i chos
239b₃ kyi sku bsam gyis mi khyab pa la dbang byed pa rab tu 'thob par 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /lha rnams dang ni tshangs pa'i theg /nyan thos rang rgyal theg pa dang / /de bzhin gshegs pa rnams
239b₄ kyi theg / nga yis theg pa de dag ni/ /ji srid sems rnams 'jug pa'i bar/ /de dag mthar phyin min par bshad/ /gal te sems de zad gyur na/ /theg pa med cing gdeg pa med/ /theg pa rnam par gzhag med pas/ /theg pa gcig tu ngas bstan to/ /sems
239b₅ can rnams ni drang ba'i phyir/ /theg pa tha dad ngas bshad de/ /rnam par grol ba rnam gsum yod/ /chos la bdag med de nyid dang / /nyon mongs shes rab la sogs pas/ /rnam par grol na stong par 'gyur/ /rgya mtsho la ni shing 'phyo ba/ /rtag tu rlabs kyis
239b₆ g.yeng ba ltar/ /nyan thos rmongs pa'ang de bzhin te/ /mtshan nyid rlung gis rnam par g.yengs/ /kun nas ldang las de log kyang / /nyon mongs bag chags gzhan gyis rmongs/ /ting nge 'dzin gyi bde bas myos/ /zag pa med pa'i dbyings la gnas/ /
239b₇ mthar phyin tshul ni de la med/ /phyir yang de las mi ldog ste/ /ting 'dzin rnams kyi lus thob nas/ /bskal pa'i bar du de mi sad/ /chang gis myos pa'i skyes bu dag /myos byed zad nas sangs 'gyur ltar/ /de dag chos rtogs de bzhin te/ /bla med sangs rgyas sku 'thob 'gyur// //

_{iiif viewer powered by OpenSeadragon}

239a - 240a

Texts on this page