rKTs

e-texts navigator

Volume

Page

239a₁ bka' stsal to/ /blo gros chen po de la 'phags pa snga ma rnams kyis khong du chud nas gcig nas gcig tu brgyud de/ kun brtags pa dngos po med par bstan pa la brten nas/ byang chub sems dpa' sems dpa' chen po gang gis gcig pu dben par song nas/
239a₂ rang gi blos rnam pa dpyod pa/ gzhan gyi dring la mi 'jog cing lta ba dang / rnam par rtog pa spangs te/ gong nas gong du khyad par can du gyur nas/ de bzhin gshegs pa'i sa la rab tu 'jug pa ni so so rang gis rig pa 'phags pa'i ye shes kyi mtshan nyid ces bya'o/ /de la blo gros
239a₃ chen po theg pa gcig gi mtshan nyid gang zhe na/ 'di lta ste/ theg pa gcig gi lam rig pa ni ngas theg pa gcig ces bshad do/ /theg pa gcig gi lam khong du chud pa gang zhe na/ 'di lta ste/ gzung ba dang / 'dzin pa'i rnam par rtog pa yang dag pa ji lta ba bzhin gyi gnas
239a₄ la rnam par rtog pa mi skye ba ni theg pa gcig khong du chud pa zhes bya'o/ /blo gros chen po theg pa gcig khong du chud pa 'di ni de bzhin gshegs pa ma gtogs par gzhan mu stegs can dang / nyan thos dang / rang sangs rgyas dang / tshangs pa la sogs pas thob pa ma yin no/ /
239a₅ de'i phyir theg pa gcig ces bya'o/ /bcom ldan 'das la blo gros chen pos gsol pa/ bcom ldan 'das kyis ci'i slad du theg pa gsum du bka' stsal la theg pa gcig tu ma gsungs/ bcom ldan 'das kyis bka' stsal pa/ blo gros chen po bdag nyid yongs su mya
239a₆ ngan las mi 'da' ba'i chos can yin pa'i phyir nyan thos dang / rang sangs rgyas thams cad la theg pa gcig tu ma bshad de/ 'di ltar nyan thos dang / rang sangs rgyas thams cad ni de bzhin gshegs pa'i 'dul ba dang / rab tu dben pa'i sbyor bas rnam par grol
239a₇ ba 'thob kyi/ bdag nyid kyi mthus ni ma yin pa'i phyir theg pa gcig tu ma bshad do/ /gzhan yang blo gros chen po nyon mongs pa'i sgrib pa dang / las kyi bag chags ma spangs pa'i phyir nyan thos dang / rang sangs rgyas thams cad la theg pa gcig tu ma bshad do/ /chos

_{iiif viewer powered by OpenSeadragon}

238b - 239b

Texts on this page