rKTs

e-texts navigator

Volume

Page

238a₁ pa ma yin pa dang / yod pa dang med par mngon par zhen par mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sems ni yul gyis kun du bcings/ /rtog pa rig las ye shes 'jug /snang ba med dang khyad
238a₂ par las/ /shes rab mnyam par rab tu bskyed/ /brtags pa'i rang bzhin gyis yod de/ /gzhan dbang la ni de med do/ /kun brtags dag ni nor pas bsdus/ /gzhan dbang de ni kun brtags min/ /yan lag tha dad 'byung ba yang / /sgyu ma ji bzhin mi 'grub ste/ /de yi mtshan ma sna tshogs
238a₃ yod/ /kun brtags de ni 'grub mi 'gyur/ /de yi mtshan ma gnas ngan len/ /sems kyi 'ching las skyes pa ste/ /rnam rtog shes pa med pa rnams/ /gzhan gyi dbang las rnam par rtog /brtags pa'i dngos po 'di dag ni/ /de nyid gzhan gyi dbang yin te/ /brtags pa dag ni sna tshogs
238a₄ yod/ /gzhan gyi dbang la rtog par byed/ /kun rdzob dang ni don dam ste/ /gsum pa rgyu las skye ba med/ /brtags pa dag ni kun rdzob bshad/ /de 'chad 'phags pa'i spyod yul lo/ /rnal 'byor can gyi dngos po ltar/ /gcig la sna tshogs ston byed kyang / /de la sna tshogs yod ma yin/ /
238a₅ kun brtags mtshan nyid de bzhin no/ /ji ltar rab rib can dag gi/ /rnam rtog sna tshogs gzugs su snang / /rab rib gzugs dang gzugs min med/ /gzhan dbang ma rtogs de bzhin no/ /ji ltar gser ni rab sbyangs pa/ /dri ma dag ni spangs gyur dang / /nam mkha' dag ni sprin med ltar/ /
238a₆ kun brtags pa yang de bzhin no/ /kun brtags pa yi dngos po dang / /de bzhin gzhan dbang yod min la/ /sgro 'dogs skur pa 'debs byed de/ /rnam brtags dbang gis 'jig pa yin/ /gal te brtags pa dngos med la/ /gzhan gyi dbang ni yod gyur na/ /dngos med dngos po yod pas
238a₇ na/ /dngos yod dngos po med las 'byung / /kun brtags pa la brten pa'i rgyus/ /gzhan dbang de ni nye bar dmigs/ /rgyu mtshan ming dang 'brel pa las/ /kun brtags rnams ni skye bar 'gyur/ /shin tu ma grub rtogs pa'i tshe/ /kun brtags las ni 'da' bar 'gyur/ /de nas

_{iiif viewer powered by OpenSeadragon}

237b - 238b

Texts on this page