rKTs

e-texts navigator

Volume

Page

237b₁ par rtog pa la mngon par zhen pa'i rnam par rtog pa de ni lta ba'i rnam par rtog pa zhes bya'o/ /blo gros chen po rigs pa'i rnam par rtog pa gang zhe na/ 'di lta ste/ bdag dang bdag gi mtshan nyid rigs pas brtsad de smra ba ni rigs pa'i rnam par rtog pa zhes bya'o/ /blo gros chen po skye bar rnam par rtog pa gang zhe na/ 'di
237b₂ lta ste/ rkyen rnams kyis yod pa dang / med pa'i dngos po skye bar mngon par zhen pa de ni skye bar rnam par rtog pa zhes bya'o/ /blo gros chen po mi skye bar rnam par rtog pa gang zhe na/ 'di lta ste/ dngos po thams cad ni snga nas skye ba med de/ sa bon med pa las rgyu dang rkyen gyis rgyu med pa'i lus bskyed pa'o/ /zhes
237b₃ 'dzin pa de ni mi skye bar rnam par rtog pa zhes bya'o/ /blo gros chen po 'brel ba'i rnam par rtog pa gang zhe na/ 'di lta ste/ gser dang / skud pa ji lta ba bzhin du de dang lhan cig pa'i mtshan nyid du 'brel ba de ni 'brel ba'i rnam par rtog pa zhes bya'o/ /blo gros chen po bcings pa dang / ma bcings pa'i rnam
237b₄ par rtog pa gang zhe na/ 'di lta ste/ 'ching ba'i rgyu dang / bcing bar bya ba la mngon par zhen pa ste/ ji ltar skyes bu thams cad dang ldan pas lag pa la mdud pa 'dor ba dang 'grol ba lta bu ni bcings pa dang / ma bcings pa'i rnam par rtog pa zhes bya'o/ /blo gros chen po kun brtags pa'i rang bzhin rab tu
237b₅ dbye ba'i tshul gyi mtshan nyid de la byis pa so so'i skye bo thams cad yod pa dang med par mngon par zhen to/ /blo gros chen po gzhan gyi dbang la mngon par zhen pas mngon par zhen par gyur pa dag yongs su brtags pa'i rang bzhin sna tshogs la mngon par zhen pas sgyu ma bzhin du lus sna tshogs ston pa la byis pa
237b₆ rnams kyi rnam par rtog pas sgyu ma las gzhan du rnam pa sna tshogs su mthong ste/ blo gros chen po sgyu ma dang sna tshogs ni tha dad pa yang ma yin/ tha mi dad pa yang ma yin no/ /gal te tha dad na ni sgyu ma ni sna tshogs kyi rgyu ma yin par 'gyur ro/ /ci ste tha mi dad na ni sgyu ma dang sna tshogs bye brag med par 'gyur te/
237b₇ de'i bye brag mthong bas na de'i phyir gcig pa yang ma yin/ tha dad pa yang ma yin no/ /de lta bas na blo gros chen po khyod dang / byang chub sems dpa' sems dpa' chen po gzhan dag gis sgyu ma lta bu'i gzhan gyi dbang dang / kun brtags pa'i rang bzhin la tha dad pa dang / tha dad

_{iiif viewer powered by OpenSeadragon}

237a - 238a

Texts on this page