rKTs

e-texts navigator

Volume

Page

237a₁ bya ba'i rnam par rtog pa dang / mtshan nyid kyi rnam par rtog pa dang / nor gyi rnam par rtog pa dang / rang bzhin gyi rnam par rtog pa dang / rgyu'i rnam par rtog pa dang / lta ba'i rnam par rtog pa dang / rigs pa'i rnam par rtog pa dang / skye bar rnam par rtog pa dang /
237a₂ mi skye bar rnam par rtog pa dang / 'brel bar rnam par rtog pa dang / bcings pa dang ma bcings par rnam par rtog pa yin te/ 'di ni kun brtags pa'i rang bzhin rab tu dbye ba'i tshul gyi mtshan nyid do/ /de la blo gros chen po brjod pa'i rnam par rtog pa gang zhe na/ 'di lta ste/ dbyangs dang / glu
237a₃ snyan pa sna tshogs la mngon par zhen pa yin te/ 'di ni brjod pa'i rnam par rtog pa zhes bya'o/ /blo gros chen po smra bar bya ba'i rnam par rtog pa gang zhe na/ 'di lta ste/ gang ci yang rung ba smra bar bya ba'i dngos po'i rang bzhin 'phags pa'i ye shes kyis shes par bya ba de la gnas nas brjod pa'i rnam pa
237a₄ 'byung ba de ni smra bar bya ba'i rnam par rtog pa zhes bya'o/ /blo gros chen po mtshan nyid kyi rnam par rtog pa gang zhe na/ 'di lta ste/ smra bar bya ba'i dngos po de dag nyid smig rgyu lta bu la mtshan nyid sna tshogs su mngon par zhen pas mngon par zhen te/ 'di lta ste/ sra ba dang / gsher ba dang / tsha ba dang /
237a₅ g.yo ba'i mtshan nyid du dngos po thams cad la rnam par rtog pa de ni mtshan nyid kyi rnam par rtog pa zhes bya'o/ /blo gros chen po nor gyi rnam par rtog pa gang zhe na/ gser dang / dngul dang / nor rin po che rnam pa sna tshogs la mngon par chags pa de ni nor gyi rnam par rtog pa zhes bya'o/ /blo gros chen po rang
237a₆ bzhin gyi rnam par rtog pa gang zhe na/ 'di lta ste/ dngos po'i ngo bo nyid du 'dzin cing 'di ni 'di bzhin gyi gzhan du ma yin no zhes log par lta ba'i rnam par rtog pa dang / tha mi dad pa de ni rang bzhin gyi rnam par rtog pa zhes bya'o/ /blo gros chen po rgyu'i rnam par rtog pa gang zhe na/ 'di lta ste/ rgyu dang rkyen gang gis
237a₇ yod pa dang / med pa'i rnam par rtog pa'i rgyu'i mtshan nyid skyed pa de ni rgyu'i rnam par rtog pa zhes bya'o/ /blo gros chen po lta ba'i rnam par rtog pa gang zhe na/ 'di lta ste/ yod pa dang / med pa dang / gcig pa dang / tha dad pa dang / gnyi ga dang / gnyi ga ma yin par log par lta ba'i mu stegs can gyi rnam

_{iiif viewer powered by OpenSeadragon}

236b - 237b

Texts on this page