rKTs

e-texts navigator

Volume

Page

236b₁ rnam par shes pa bdun rnams 'byung bar mi 'gyur ro/ /de la yid kyi rnam par shes pa ni yul rnams bye brag 'byed cing mngon par zhen pas bag chags rnams bskyed nas kun gzhi rnam par shes pa rgyas par byed de/ yid dang lhan cig tu bdag dang bdag gis 'dzin pa la mngon par zhen cing /
236b₂ ngar sems pa'i rkyen gyis skye bas lus kyi mtshan nyid rnam par mi 'jig go/ /kun gzhi rnam par shes pa'i rgyur gyur cing de la dmigs pa rang gi sems snang ba'i yul la mngon par zhen pas sems 'dus pa gcig gi rgyur gcig 'byung ste/ dper na rgya mtsho'i rlabs lta bur rang gi snang ba'i spyod
236b₃ yul gyi rlung gis bskyod pas 'jug cing ldog pa yang de bzhin te/ de lta bas na yid kyi rnam par shes pa bzlog pas rnam par shes pa bdun rnams kyang ldog par 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /bya ba dang ni
236b₄ mtshan nyid dang / /dngos por mya ngan nga mi 'da'/ /rnam rtog shes bya rnam shes te/ /bzlog pas mya ngan nga 'das so/ /de rgyu de la dmigs pa ste/ /yid kyis 'gro sogs lus mngon 'grub/ /rgyu 'byin de ni sems yin te/ /rnam shes gnas ni rab tu byed/ /ji ltar chu chen zad nas ni/ /
236b₅ rlabs rnams rgyun du mi 'byung ltar/ /de bzhin yid ni 'gag pa na/ /rnam shes sna tshogs skye mi 'gyur/ /gzhan yang blo gros chen po kun brtags pa'i rang bzhin rab tu dbye ba dang / rtogs pa'i tshul gyi mtshan nyid bshad par bya ste/ kun brtags pa'i rang bzhin rab tu dbye ba dang / rtogs
236b₆ pa'i tshul gyis mtshan nyid la mkhas pa gang gis khyod dang byang chub sems dpa' sems dpa' chen po gzhan rnams kun du rtog pa spangs shing 'phags pa so so rang gis rig pa la gnas pa dang / mu stegs can gyi tshul rtogs pa dang / shin tu mthong ba'i blos gzung ba dang / 'dzin pa'i rnam
236b₇ par rtog pa spangs nas gzhan gyi dbang gi mtshan nyid sna tshogs la kun brtags pa'i rang bzhin gyi 'du byed du rtog par mi 'gyur ro/ /de la blo gros chen po kun brtags pa'i rang bzhin rab tu dbye ba'i tshul gyi mtshan nyid gang zhe na/ 'di lta ste/ brjod pa'i rnam par rtog pa dang / smra bar

_{iiif viewer powered by OpenSeadragon}

236a - 237a

Texts on this page