rKTs

e-texts navigator

Volume

Page

236a₁ rtog pas snang ngo / /de ni phung po rnams kyi rang bzhin gyi mtshan nyid de/ khyod kyis bzlog par bya'o/ rnam par bzlog nas rab tu dben pa'i chos bstan pas sangs rgyas kyi zhing thams cad du mu stegs can gyi lta ba rnams bzlog par bya'o/ /blo gros chen po rab tu dben pa'i chos
236a₂ bstan pa'i tshe chos bdag med pa mthong ba rnam par dag par 'gyur/ mi g.yo ba'i sa la yang rab tu 'jug par 'gyur ro/ /de mi g.yo ba'i sar rab tu zhugs nas/ ting nge 'dzin tshad med pa la dbang byed par 'gyur ro/ /yid kyi lus thob pas sgyu ma lta bu'i ting nge 'dzin rab tu 'thob bo/ /stobs dang /
236a₃ mngon par shes pa dang / dbang rnams rtogs par khong du chud pas sems can thams cad sdud cing phan 'dogs par 'gyur ro/ /dper na sa chen po ni sems can rnams 'deg cing phan 'dogs par byed pa de bzhin du byang chub sems dpa' sems dpa' chen po yang sems can thams cad la phan
236a₄ 'dogs pa yin no/ /gzhan yang blo gros chen po mu stegs can rnams la mya ngan las 'das pa rnam pa bzhi yod de bzhi gang zhe na/ 'di lta ste/ dngos po'i rang bzhin dngos po med pa'i mya ngan las 'das pa dang mtshan nyid sna tshogs kyi dngos po dngos po med pa'i mya ngan las 'das pa dang / rang gi mtshan
236a₅ nyid kyi rang bzhin dngos po med par rtogs pa'i mya ngan las 'das pa dang / phung po rnams kyi rang dang spyi'i mtshan nyid kyi rgyud kyi rgyun chad pa'i mya ngan las 'das pa'o/ /de dag ni mu stegs can rnams kyi mya ngan las 'das pa yin te/ nga'i gsung rab la ma yin no/ /blo gros chen po nga'i gsung
236a₆ rab la ni rnam par rtog pa dang bcas pa'i rnam par shes pa la zlog pa ni mya ngan las 'das pa zhes bya'o/ /blo gros chen pos gsol pa/ bcom ldan 'das kyis rnam par shes pa brgyad du rnam par ma gzhag pa lags sam/ bcom ldan 'das kyis bka' stsal pa/ rnam par gzhag go/ /
236a₇ blo gros chen pos gsol pa/ bcom ldan 'das gal te rnam par bzhag na ji ltar yid kyi rnam par shes pa log pas bsal/ rnam par shes pa bdun rnams ni ma lags/ bcom ldan 'das kyis blo gros chen po la bka' stsal pa/ de dag gi rgyu dang / de dag gis dmigs pa rkyen yin pa'i phyir

_{iiif viewer powered by OpenSeadragon}

235b - 236b

Texts on this page