rKTs

e-texts navigator

Volume

Page

235a₁ ba chen po dang / 'byung ba las gyur pa la mkhas par bya'o/ /ji ltar na byang chub sems dpa' 'byung ba chen po dang / 'byung ba las gyur pa la mkhas pa yin zhe na/ blo gros chen po de la byang chub sems dpa' sems dpa' chen po 'di ltar yang dag par
235a₂ rab tu rtog ste/ de don dam pa'i bden par ni 'byung ba chen po dag skye ba med do/ /'byung ba chen po dag la skye ba med par de ltar rab tu rtog par byed de/ de ltar rab tu brtags nas ming dang rgyu mtshan rnams ni rnam par rtog pa tsam dang / rang gi sems snang ba tsam dang / phyi
235a₃ rol gyi dngos po rnams dngos po med par rtogs pa ni rang gi sems snang ba rnam par rtog pa tsam zhes bya'o/ /'di lta ste/ khams gsum pa'i 'byung ba dang / 'byung ba las gyur pa de dag la rab tu brtags na/ ngo bo nyid kyis mtha' bzhi dang bral bas tshul rnam par dag pa
235a₄ bdag dang bdag gi dang bral ba/ yang dag pa'i mtshan nyid rang gi mtshan nyid kyi dbyibs su gnas pa/ ma skyes pa'i mtshan nyid du 'grub par mthong ngo / /blo gros chen po ji ltar na 'byung ba chen po bzhi po de dag gis rgyur byas pa'i gzugs rnams skyed ce na/ 'di lta ste/ gsher
235a₅ bar rnam par rtog pa'i 'byung ba chen pos ni phyi nang gi chu'i khams skyed do/ /bya ba nus pa'i rnam par rtog pa'i 'byung ba chen pos ni phyi nang gi me'i khams skyed do/ /g.yo bar rnam par rtog pa'i 'byung ba chen pos ni phyi nang gi rlung gi khams skyed do/ /gzugs gcad du rung bar
235a₆ rnam par rtog pa'i 'byung ba chen pos ni phyi nang gi sa'i khams skyed do/ /gzugs dang nam mkha' gnyi ga yang log pa'i bden pa la mngon par zhen pas phung po lnga 'dus pa dang / 'byung ba chen po dang / 'byung ba las gyur pa skye'o/ /blo gros chen po rnam par shes pa ni gnas
235a₇ rnam pa sna tshogs dang / yul la mngon par chags pa'i rgyus 'gro ba gzhan du mtshams sbyor bar 'gyur ro/ /blo gros chen po sa la sogs pa chen po bzhi dang / 'byung ba las gyur pa rnams la ni 'byung ba chen po bzhi'i rten yod kyi/ 'byung ba chen po bzhi po dag gi rkyen ni ma yin no/ /

_{iiif viewer powered by OpenSeadragon}

234b - 235b

Texts on this page