| e-texts navigator |
| བོད་ཡིག |
234a1 bstan pa ni 'di lta ste/ 'bras bu 'thob par bya ba dang / bsam gtan 'thob par bya ba'o/ /de la bsam gtan ni bsam gtan la zhugs pa na/ rab tu dben pa'i phyir dang / rang gi sems snang bar ston pas 'bras bu 'thob pa'i mtshan nyid ni 'bras
234a2 bu thob pa zhes bya'o/ /gzhan yang blo gros chen po bsam gtan dang / tshad med pa dang / gzugs med pa'i khams las shin tu bzla bar 'dod na/ rang gi sems snang ba'i mtshan nyid las ldog par bya'o/ /blo gros chen po 'du shes dang tshor ba 'gog pa'i snyoms par
234a3 'jug pa ni rang gi sems snang ba las 'das zhes byar mi rung ste/ de ci'i phyir zhe na/ sems snang ba yod pa'i phyir ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /bsam gtan rnams dang tshad med bzhi/ /gzugs
234a4 med pa yi ting 'dzin dang / /tshor ba 'du shes 'gog pa rnams/ /sems tsam la ni de yod min/ /rgyun du zhugs pa'i 'bras bu dang / /lan cig phyir 'ong phyir mi 'ong / /dgra bcom pa yi 'bras bu rnams/ /de dag thams cad sems 'khrul pa/ /bsam gtan dang
234a5 ni bsam gtan rkyen/ /spong zhes bden pa yang dag mthong / /de dag rtog pa tsam yin par/ /gang gis rtogs pa de 'grol lo/ /gzhan yang blo gros chen po blo rnam pa gnyis yod de/ 'di lta ste/ rab tu rnam par 'byed pa'i blo dang / rnam par rtog pa'i mtshan nyid
234a6 'dzin pa la mngon par zhen pas rnam par gzhag pa'i blo'o/ /de la blo gros chen po rab tu rnam par 'byed pa'i blo ni 'di lta ste/ blo gang gis dngos po'i rang bzhin gyi mtshan nyid rab tu gzhig na mtha' bzhi dang bral bas mi dmigs pa 'di ni rab tu rnam par 'byed pa'i blo
234a7 zhes bya'o/ /de la blo gros chen po mtha' bzhi ni 'di lta ste/ /gcig pa dang / tha dad pa dang / gnyi ga dang / gnyi ga ma yin pa dang / yod pa dang med pa dang / yod pa yang ma yin/ med pa yang ma yin pa dang / rtag pa dang / mi rtag pa ni mtha' bzhi zhes
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u