rKTs

e-texts navigator

Volume

Page

233a₁ par rtog pa spangs pa'i phyir chos rnams la the tsom mi skye bas gzhan la ston pa'am/ dag pa'am/ ma dag pa'i lta ba skyed par mi byed de/ 'di ni rgyun du zhugs pa the tsom spangs pa'i mtshan nyid do/ /blo gros chen po ci'i phyir rgyun du zhugs pa'i tshul
233a₂ khrims mi snyems she na/ 'di lta ste/ skye ba'i gnas kyi sdug bsngal gyi mtshan nyid rab tu mthong bas na de'i phyir mi snyems so/ /blo gros chen po snyems pa ni 'di lta ste/ byis pa so so'i skye bo dag mi 'gyur bar dka' thub len cing sbyor ba dag gis longs spyod dang /
233a₃ bde ba 'dod pa'i phyir skye ba gnyer bar byed do/ /de de ltar mi snyems pa yang gzhan du na 'di ltar yongs su sngo bar byed de/ so so rang gis rig pa'i khyad par rnam par rtog pa dang bral ba zag pa med pa'i chos kyi mtshan nyid la rab tu sbyor ba'i phyir tshul khrims kyi yan lag
233a₄ yang dag par len cing srung bar byed de/ 'di ni rgyun du zhugs pa'i tshul khrims dang / brtul zhugs spangs pa'i mtshan nyid yin no/ /rgyun du zhugs pas kun tu sbyor ba gsum spangs pa la ni 'dod chags dang / gti mug mi 'byung ste/ gal te rgyun du zhugs pa
233a₅ 'di snyam du kun du sbyor ba 'di rnams ni bdag la mngon par ma grub bo snyam du sems pa ni nyes pa rnams gnyis yod par 'gyur te/ 'jig tshogs la lta bar song ba dang / kun du sbyor ba rnams ma spangs pa'o/ /blo gros chen pos bcom ldan 'das la gsol pa/ bcom ldan
233a₆ 'das kyis ni 'dod chags kyi rnam pa mang du gsungs na/ des 'dod chags gang zhig spangs lags/ bcom ldan 'das kyis bka' stsal pa/ blo gros chen po bud med la sred cing 'dod pa dang / mngon par chags shing zhen pa'i thabs rnam pa sna tshogs las byung ba/ lus
233a₇ dang ngag gi las kha na ma tho ba dang bcas pa des da ltar gyi bde ba la sred cing ma 'ongs pa na sdug bsngal skye bar 'gyur ba de dag de la mi 'byung ngo / de ci'i phyir zhe na/ ting nge 'dzin gyi bde ba la gnas pa thob pas de'i phyir de spangs pa yin te/ mya ngan las 'das pa rtogs par bya ba'i 'dod

_{iiif viewer powered by OpenSeadragon}

232b - 233b

Texts on this page