rKTs

e-texts navigator

Volume

Page

232b₁ la lta ba dang / the tsom dang / tshul khrims dang brtul zhugs mchog tu 'dzin pa ste/ kun du sbyor ba de gsum gyi bye brag gis gong nas gong du khyad par can du gyur nas dgra bcom pa'i 'bras bu 'thob par 'gyur ro/ /blo gros chen po 'jig tshogs la lta ba yang rnam pa
232b₂ gnyis yod de/ 'di lta ste/ lhan cig skyes pa dang / kun du brtags pa ltar gzhan gyi dbang la kun brtags pa'i rang bzhin gyi rnam par rtog pa bzhin no/ /dper na gzhan gyi dbang gi rang bzhin la brten nas kun tu brtags pa'i rang bzhin la mngon par zhen pa sna
232b₃ tshogs 'byung ste/ de yod pa yang ma yin/ med pa yang ma yin/ de gnyi ga yang ma yin te/ yang dag pa ma yin pa kun brtags pa'i mtshan nyid kyi phyir te/ byis pa so so'i skye bo rnams kyi rnam par rtog pas/ sna tshogs kyi rang bzhin gyi mtshan nyid la mngon par
232b₄ zhen pa ni/ dper na smig rgyu la skom pa rnams kyi chu'i 'du shes 'byung ba lta bu ste/ de ni rgyun du zhugs pa'i kun du brtags pa'i 'jig tshogs la lta ba'o/ /de yang gang zag la bdag med pas dngos po med par gzung ba'i phyir yun ring po nas mi shes pa dang /
232b₅ mngon par shes pa rnams spong bar 'gyur ro/ blo gros chen po lhan cig skyes pa ni rgyun du zhugs pas bdag dang / gzhan gyi lus mnyam pa nyid du mthong ba dang / phung po bzhi la gzugs kyi mtshan nyid med pa'i phyir dang / gzugs skye ba 'byung ba dang / 'byung ba las
232b₆ gyur pa'i phyir dang / phan tshun rgyu ba'i mtshan nyid kyi phyir dang / 'byung ba dang / gzugs rnams bsags pa ma yin pa'i phyir dang / rgyun du zhugs pas yod pa dang med pa'i phyogs brtags na mi snang bas 'jig tshogs la lta ba spangs par 'gyur ro/ de ltar 'jig
232b₇ tshogs la lta ba spangs pas 'dod chags mi 'byung ste/ 'di ni 'jig tshogs la lta ba'i mtshan nyid do/ /blo gros chen po the tsom gyi mtshan nyid ni 'di lta ste/ chos thob pa legs par mthong ba'i mtshan nyid kyi phyir dang / snga ma'i 'jig tshogs la lta ba rnam pa gnyis kyi rnam

_{iiif viewer powered by OpenSeadragon}

232a - 233a

Texts on this page