rKTs

e-texts navigator

Volume

Page

231a₁ pa 'di gsungs so/ /ming dang tshig gi tshogs rnams dang / /yi ge'i tshogs la bye brag tu/ /mi shes byis pa chags pa ni/ /ji ltar glang chen rdzab bying bzhin/ /gzhan yang blo gros chen po ma 'ongs pa'i dus na mkhas pa dag gis gcig pa dang / tha dad pa dang / gnyi
231a₂ ga dang / gnyi ga ma yin par lta ba'i mtshan nyid las rnam par grol ba/ ngas rtogs pa'i don rnams mi mkhas pa de dag la dris pa na de dag 'di skad du 'di ni tshul bzhin 'dri ba ma yin no zhes zer zhing 'di lta ste/ gzugs la sogs pa dang / mi rtag pa gcig gam tha dad ces bya ba dang / de bzhin
231a₃ du mya ngan las 'das pa las 'du byed dang / mtshan nyid las mtshan nyid kyi gzhi dang / yon tan las yon tan can dang / 'byung ba las 'byung ba las gyur pa dang / mthong ba las mthong bar bya ba dang / rdul las rdul phra mo dang / sgrub pa las rnal 'byor pa dang / de bzhin du gcig la
231a₄ gcig phan tshun dpag pa'i mtshan nyid kyi tshul gyis de dag la sogs pa dris pa rnams bcom ldan 'das kyis lung bstan to/ /zhes zer ro/ de la gzhag pa'i lung bstan pa ni skyes bu gti mug can de dag gis shes par 'gyur ba ma yin te/ 'di ltar nyan pa'i blo dang mi ldan pa'i phyir de bzhin gshegs
231a₅ pa dgra bcom pa yang dag par rdzogs pa'i sangs rgyas rnams de dag skrag pa'i gnas spang ba'i phyir lung mi bstan pa rnams lung mi ston to/ /gzhan yang mu stegs can gyi lta bar smra ba gzhig pa'i phyir ma bshad do/ /blo gros chen po mu stegs can ni 'di skad du smra ste/ 'di ltar srog de nyid ni lus yin no
231a₆ zhes bya ba la sogs pa lung du mi ston pa smra ba/ blo gros chen po mu stegs can rgyu la rnam par rmongs pa rnams ni lung mi ston pa smra'i/ de'i gsung rab la ni ma yin no/ /blo gros chen po nga'i gsung rab ni gzung ba dang / 'dzin pa rnam par spangs shing rnam par rtog pa mi skye ba'o/ /ji ltar de dag bzlog
231a₇ ce na/ blo gros chen po gang gzung ba dang / 'dzin pa la mngon par zhen cing rang gi sems snang ba tsam du mi shes pa de dag la ni rnam par bzlog pa yod do/ /blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni lung bstan pa rnam pa bzhis sems can rnams

_{iiif viewer powered by OpenSeadragon}

230b - 231b

Texts on this page