| | e-texts navigator
|
230b1 lta ba bzhin gyi gnas su mthong ba dag log par smra bar mi bya ba'i phyir te/ blo gros chen po chos thams cad kyi yang dag par gnas pa ji lta ba bzhin du mthong ba ni 'di lta ste/ rang gi sems snang ba tsam las 'das pa'o/ /de nas bcom ldan 'das kyis don de nyid bstan pa'i phyir tshigs su
230b2 bcad pa 'di gsungs so/ /skye med byed pa dngos ma yin/ /dngos pos 'khor ba kun sdud de/ /sgyu ma la sogs 'dra mthong na/ /mtshan nyid la ni rnam mi rtog /gzhan yang blo gros chen po ming dang / tshig dang / yi ge'i tshogs kyi mtshan nyid du rab tu bshad par bya ste/ ming dang / tshig
230b3 dang / yi ge'i tshogs rab tu rtogs pa'i byang chub sems dpa' sems dpa' chen po gang gis don dang / tshig dang / yi ge'i tshogs kyi rjes su zhugs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya ste/ mngon par rdzogs par sangs rgyas nas sems
230b4 can thams cad kyang de bzhin du khong du chud par byed do/ /blo gros chen po de la ming gi tshogs zhes bya ba ni 'di lta ste/ dngos po gang la brten nas ming du gdags pa ni ming gi tshogs zhes bya'o/ /blo gros chen po tshig gi tshogs ni 'di lta ste/ tshig gang don gyi tshogs dang ldan pa dang / rang gi ngo bo
230b5 nyid gdon mi za ba dang / mthar thug pa de ni tshig gi tshogs zhes bya'o/ /blo gros chen po yi ge'i tshogs ni 'di lta ste/ gang gis ming dang tshig gsal bar byed pa de ni yi ge'i tshogs zhes bya'o/ /yang yi ge'i tshogs ni 'di lta ste/ ring po dang / thung ngu dang / mtho ba dang / dma' ba'o/ /yang
230b6 tshig gi tshogs ni 'gro ba'i rjes lta bu ste/ 'di ltar glang po che dang / rta dang / mi dang / la sogs pa gang sa la 'gro ba'i rjes rnams ni tshig gi tshogs zhes bya ba'i ming 'thob bo/ /blo gros chen po ming dang yi ge ni 'di lta ste/ ming gis phung po gzugs med pa bzhi brjod pa'i phyir ro/ /rang
230b7 gi mtshan nyid snang bar byed pas ni yi ge ste/ de ni ming dang / yi ge'i tshogs zhes bya'o/ /'di ni ming dang / tshig dang / yi ge'i tshogs rnams brjod pa'i mtshan nyid de/ de la khyod kyis nan tan du bslab par bya'o/ /de nas bcom ldan 'das kyis don de nyid yang bstan pa'i phyir tshigs su bcad
iiif viewer powered by OpenSeadragon
230a - 231a Texts on this pageD108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u
|