rKTs

e-texts navigator

Volume

Page

224a₁ sprin dang rmi lam glog lta bur/ /rab tu rtog na rnam grol zhing / /rgyun gsum dag ni gtan du spongs/ /'di la byed pa gang yang med/ /smig rgyu nam mkha' ji bzhin te/ /de ltar chos rnams rab shes na/ /shes par bya ba ci yang med/ /bstan pa dag ni ming tsam ste/ /de la mtshan
224a₂ nyid yod ma yin/ /gang la rnam rtog skyed pa yi/ /phung po'i 'du byed skra shad 'dra/ /ri mo skra shad 'dzings pa dang / /sgyu ma rmi lam dri za'i grong / /mgal me'i 'khor lo'i smig rgyu dag / med kyang sems can rnams la snang / /rtag dang mi rtag gcig tha dad/ /gnyi ga gnyis min de bzhin te/ /thog ma med kyi nyes
224a₃ 'brel bas/ /byis pa mos pas rab tu rtog /me long chu dang mig rnams dang / /yid bzhin nor bu rin po che/ /de na gzugs brnyan snang mod kyi/ /de ni yang dag yod pa min/ /dngos por snang ba thams cad ni/ /ri mo dang ni smig rgyu bzhin/ /rnam pa sna tshogs gzugs snang yang / /rmi lam 'dra ste yod ma yin/ /gzhan
224a₄ yang blo gros chen po de bzhin gshegs pa rnams kyi bstan pa'i chos ni mu bzhi dang bral ba yin te/ 'di lta ste/ gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa spangs pa/ yod pa dang /
224a₅ med pa'i sgro 'dogs pa dang / skur pa las rnam par grol ba'o/ /de bzhin gshegs pa'i chos bstan pa ni yang dag pa'i bden pa dang / rten cing 'brel par 'byung ba dang / lam dang / 'gog pa dang / rnam par thar pa rab tu 'byed cing sdud par byed pas de dag sngon du btang ba yin gyi/ ngo bo nyid dang / dbang
224a₆ phyug dang / rgyu med pa dang / rdul phra mo dang / dus dang / rang bzhin dang 'brel bar chos ston pa ni ma yin no/ /gzhan yang blo gros chen po nyon mongs pa dang / shes bya'i sgrib pa rnam par dag par bya ba'i phyir ded dpon ltar tshig brgya rtsa brgyad dang / snang ba med pa dang / theg pa dang / sa rnams shin tu rnam par
224a₇ 'byed pa'i mtshan nyid la mthar gyis rab tu 'jug go/ /gzhan yang blo gros chen po bsam gtan rnam pa bzhi yod de rnam pa bzhi gang zhe na/ 'di lta ste/ byis pa nye bar spyod pa'i bsam gtan dang / don rab tu 'byed pa'i bsam gtan dang / de bzhin nyid dmigs pa'i bsam gtan dang / de bzhin gshegs pa'i

_{iiif viewer powered by OpenSeadragon}

223b - 224b

Texts on this page