rKTs

e-texts navigator

Volume

Page

223a₁ bstan pa ni ma yin no/ /gzhan yang bstan pa rnams ni byis pa so so'i skye bo lta ba'i bsam pa can gyi dbang gis byung ba yin gyi/ logs shig rnam par 'jog pa'i tshul rang bzhin gyi chos/ 'phags pa'i ye shes so so rang gis rig pa'i ting nge 'dzin gyi bde ba la gnas pa thob pa rab tu dbye zhing ston
223a₂ par mi byed do/ /dper na chu'i nang du shing gi grib ma snang yang de ni grib ma yang ma yin/ grib ma ma yin pa yang ma yin/ shing gi dbyibs kyang ma yin/ shing gi dbyibs ma yin pa yang ma yin no/ /de bzhin du mu stegs can gyi lta ba'i bag chags kyis yongs su bsgos pa'i rnam par rtog pa la mngon par zhen pa
223a₃ rnams kyang gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag par 'du shes pa la brten pas rang gi sems snang ba tsam du khong du mi chud do/ /dper na me long rab tu phyis pa'i nang du rkyen ji
223a₄ lta ba bzhin du rnam par rtog pa med par gzugs brnyan thams cad snang ste/ de dag ni gzugs kyang ma yin/ gzugs ma yin pa yang ma yin/ yang gzugs dang gzugs ma yin par mthong bar rnam par rtog pa'i byis pa rnams gzugs kyi 'du shes su byed do/ /de bzhin du mu stegs can lta ba ngan pa pa rang
223a₅ gi sems snang ba'i gzugs la rnam par rtog pas mngon par zhen pa rnams kyang gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin med pa yang ma yin/ rtag pa dang / mi rtag par lta ba la rab tu rten to/ /dper na rlung dang 'bab chu phrad pa las
223a₆ sgra 'byung yang de ni dngos po yang ma yin/ dngos po ma yin pa yang ma yin no/ /de bzhin du mu stegs can gyi lta ba ngan pa'i rtog ge pa rnams kyang gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa
223a₇ dang / mi rtag par lta ba la rab tu rten to/ /dper na rtswa dang / shing med pa'i sa phyogs chen por nyi ma shin tu tsha ba'i 'od kyis smig rgyu'i dba' rlabs rab tu g.yo yang de ni dngos po yang ma yin/ dngos po med pa yang ma yin te/ chags pa dang / chags pa med pa'i phyir ro/ /de bzhin du byis pa so so'i skye

_{iiif viewer powered by OpenSeadragon}

222b - 223b

Texts on this page