rKTs

e-texts navigator

Volume

Page

222b₁ dag kyang lhung bar byed do/ /dper na mgal me'i 'khor lo ni/ 'khor lo ma yin yang / byis pa rnams kyis 'khor lo nyid du yongs su rtog ste/ mkhas pa rnams ni ma yin no/ /de bzhin du mu stegs can lta ba ngan pa'i bsam pa can dag kyang gcig pa dang / tha dad pa dang / gnyi ga dang /
222b₂ gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang mi rtag par yongs su rtog pa la brten nas/ dngos po thams cad skyed do/ /dper na chu bur nor bu 'dra ba la/ byis pa blo dang mi ldan pa rnams kyis/ nor bu nyid du 'du shes shing /
222b₃ mngon par zhen nas rab tu rgyug cing len kyang / chu bur de dag ni nor bu yang ma yin/ nor bu ma yin pa yang ma yin te/ len pa dang / mi len pa'i phyir ro/ /de bzhin du mu stegs can lta ba ngan pa'i rnam par rtog pa'i bag chags kyis yongs su bsgos pa rnams kyang / yod pa ma yin pa la skye
222b₄ ba yod par smra ba dang / rkyen gyis yod pa yang 'jig par smra bar 'gyur ro/ /gzhan yang blo gros chen po tshad ma rnam pa gsum dang / smra ba'i yan lag lnga yod do/ /de dag so sor rnam par gzhag pa byas nas/ 'phags pa'i ye shes so so rang gis rig par bya ba/ rang bzhin gnyis kyi dngos po dang
222b₅ bral ba rtogs par 'gyur zhes/ dngos po yod pa nyid du rnam par rtog cing mngon par zhen par byed de/ blo gros chen po sems dang / yid dang / yid kyi rnam par shes pa dang lus dang / sems gnas shin tu gyur pa/ rang gi sems snang ba'i gzung ba dang / 'dzin pa'i rnam par rtog pa rab
222b₆ tu spangs pa/ de bzhin gshegs pa'i sa/ so so rang gis rig pa 'phags pa'i ye shes thob pa'i rnal 'byor pas de la dngos po dang / dngos po med pa'i 'du shes su mi bya'o/ /gal te yang rnal 'byor pas de lta bu'i spyod yul rnams la dngos po dang dngos po med pa 'dzin pa'i mtshan ma skyed par
222b₇ byed na/ de ni gso bar 'dzin pa dang / bdag tu 'dzin pa dang / gang zag tu 'dzin par 'gyur ro/ /blo gros chen po gang 'di ltar dngos po de dag gi rang bzhin dang / rang dang spyi'i mtshan nyid bstan pa de dag thams cad ni sprul pa'i sangs rgyas kyis bstan pa yin gyi/ chos nyid kyi sangs rgyas kyis

_{iiif viewer powered by OpenSeadragon}

222a - 223a

Texts on this page