rKTs

e-texts navigator

Volume

Page

222a₁ ldan 'das kyis blo gros chen po la bka' stsal pa/ de bzhin du byis pa so so'i skye bo lta ba ngan pas rab tu zin pa/ mu stegs kyi blo can dag rang gi sems snang ba'i dngos po rmi lam lta bur ma shes pas/ gcig pa dang / tha dad pa dang / gnyi ga dang / gnyi ga ma yin pa dang / yod
222a₂ pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag par lta ba la rab tu brten to/ /dper na ri mo bris pa la mtho dman med kyang / byis pa de dag mtho dman du rnam par rtog go/ /de bzhin du ma 'ongs pa'i dus na mu stegs can gyi lta ba ngan pa'i bag chags
222a₃ shin tu rgyas pas/ de dag gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag par lta ba la brten nas/ bdag dang gzhan yang brlag par byed la/ yod pa dang / med
222a₄ pa spangs pa/ skye ba med par smra ba gzhan dag la yang med pa zhes zer ba dag 'byung ste/ 'di dag ni rgyu dang 'bras bur lta ba la skur pa 'debs shing / dge ba'i rtsa ba 'don par byed la/ rnam par dag pa'i rgyu 'jig par byed pa yin pas/ mchog tshol ba rnams kyis ring du spang bar bya'o/ /de skad du
222a₅ smra ba de dag ni bdag dang gzhan dang / gnyi ga'i lta bar ltung ba/ yod pa dang / med par rnam par brtags nas/ sgro 'dogs pa dang / skur pa'i lta ba ngan par ltung ba yin pas/ sems can dmyal bar ltung bar 'gyur ro/ /dper na mig la rab rib yod pa de dag gis skra shad 'dzings pa
222a₆ mthong nas/ skye bo mang po'i tshogs rnams la 'di skad du/ kye grogs po dag 'di ltos shig ces zer yang / skra shad 'dzings pa de ni mthar dngos po yod pa yang ma yin/ dngos po med pa yang ma yin te/ mthong ba dang / mi mthong ba'i phyir ro/ /de bzhin du mu stegs can lta ba ngan pa'i bsam pa
222a₇ can dag kyang / gcig pa dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa'i lta ba la rab tu rten cing / dam pa'i chos la skur pa 'debs pas/ bdag kyang ltung bar byed la gzhan

_{iiif viewer powered by OpenSeadragon}

221b - 222b

Texts on this page