rKTs

e-texts navigator

Volume

Page

221b₁ mngon par zhen pas rnam par rtog go/ /dper na skom pas rab tu gdungs pa rnams dpyid kyi smig rgyu la chu nyid du rnam par rtog pa'i nor pas rab tu rgyug ste/ chu ma yin par yongs su mi shes so/ /de bzhin du byis pa so so'i skye bo thog ma med pa'i dus kyis spros pa'i rnam par rtog pas
221b₂ yongs su bsgos pa'i dug gsum gyi mes sems rab tu gdungs pa/ gzugs kyi yul la shin tu mos pa/ skye ba dang / gnas pa dang / 'jig par lta ba/ phyi nang gi dngos por yongs su 'dzin pa dag kyang / gcig pa dang / tha dad pa dang / gnyi ga dang / gnyi ga ma yin pa dang /
221b₃ yod pa dang / med pa dang / yod pa yang ma yin/ med pa yang ma yin pa dang / rtag pa dang mi rtag pa nyid du 'du shes shing / rnam par rtog pa'i lta ba 'dzin par rab tu ltung bar 'gyur ro/ /dper na dri za'i grong khyer la byis pa so so'i skye bo blo dang mi ldan pa rnams grong khyer gyi 'du shes
221b₄ 'byung ste/ thog ma med pa'i dus nas/ bag chags la mngon par zhen pa'i 'du shes kyis snang yang / de ni grong khyer yang ma yin/ grong khyer ma yin pa yang ma yin no/ /de bzhin du mu stegs can thog ma med pa'i dus nas spros pa'i bag chags la mngon par zhen pa rnams gcig pa
221b₅ dang / tha dad pa dang / gnyi ga dang / gnyi ga ma yin pa dang / yod pa dang / med pa dang / yod pa yang ma yin/ med pa yang ma yin pa dang / rtag pa dang / mi rtag pa'i lta ba la gnas pas/ rang gi sems snang ba tsam du mi chud do/ /dper na mi la la zhig rmi lam na/ skyes
221b₆ pa dang / bud med dang / glang po che dang / rta dang / shing rta dang / rkang thang dang / grong dang / grong khyer dang / skyed mos tshal dang / nags tshal dang / ri dang / 'bab chu dang / rdzing rnam pa sna tshogs kyis mdzes par byas par bdag nyid zhugs pa snyam pa las sad nas/ de
221b₇ nyid rjes su dran na/ blo gros chen po ji snyam du sems/ skyes bu des sngar rmis pa rnams rjes su dran par byed cing / yongs su gtong bar mi byed na/ ci mkhas pa'i rang bzhin can yin nam/ blo gros chen pos bcom ldan 'das la gsol pa/ bcom ldan 'das ma lags so/ /bcom

_{iiif viewer powered by OpenSeadragon}

221a - 222a

Texts on this page