rKTs

e-texts navigator

Volume

Page

220a₁ dang / rmi lam gyi tshig dang / gnas ngan len gyi rnam par rtog pa la mngon par zhen pa'i tshig dang / thog ma med pa'i dus kyi rnam par rtog pa'i tshig go/ /de la mtshan nyid kyi tshig ni rang gi rnam par rtog pa'i gzugs kyi mtshan nyid la mngon par zhen pa las 'byung ngo / /
220a₂ rmi lam gyi tshig ni sngon myong ba'i yul rjes su dran pa dang / sad nas yul dngos po med pa las 'byung ngo / /gnas ngan len gyi rnam par rtog pa las mngon par zhen pa'i tshig ni sngon dgras byas pa'i las rjes su dran pa las 'byung ngo / /thog ma med pa'i dus kyi rnam par rtog pa'i tshig ni thog ma
220a₃ med pa'i dus kyi rnam par spros pa la mngon par zhen pa'i gnas ngan len gyi rang gi sa bon gyi bag chags las 'byung ste/ 'di ni tshig gi rnam par rtog pa'i mtshan nyid rnam pa bzhi zhes bya'o/ /de nas yang byang chub sems dpa' sems dpa' chen po blo gros chen pos don de nyid kyi phyir bcom
220a₄ ldan 'das la gsol ba btab pa/ bcom ldan 'das da dung yang rnam par rtog pa'i mngon pa'i spyod yul bshad du gsol/ bcom ldan 'das gang nas ci slad/ ji ltar rgyu gang gis sems can rnams kyi rnam par rtog pa'i tshig 'byung ba lags/ bcom ldan 'das kyis bka' stsal pa/
220a₅ blo gros chen po mgo dang / brang dang / mgul pa dang / sna dang / mchu dang / lce dang / rkan dang / so rnams 'dus pa las sgra skad 'byung ngo / /blo gros chen pos bcom ldan 'das la gsol pa/ bcom ldan 'das tshig dang / rnam par rtog pa tha dad pa'am/ 'on te gcig pa zhig
220a₆ lags/ bcom ldan 'das kyis bka' stsal pa/ blo gros chen po tshig dang / rnam par rtog pa ni tha dad pa yang ma yin/ tha mi dad pa yang ma yin no/ /de ci'i phyir zhe na/ 'di lta ste/ de'i rgyu las byung ba'i mtshan nyid kyi phyir ro/ /blo gros chen po gal te tshig dang / rnam par rtog
220a₇ pa tha dad pa zhig yin na ni rnam par rtog pa rgyu yin par mi 'gyur ro/ /ci ste tha mi dad pa zhig yin na ni tshig gi don gsal bar byed par yang mi 'gyur ba zhig na/ gsal bar yang byed de/ de bas na tha dad pa yang ma yin/ tha mi dad pa yang ma yin no/ /blo gros chen pos yang bcom

_{iiif viewer powered by OpenSeadragon}

219b - 220b

Texts on this page