| e-texts navigator |
| བོད་ཡིག |
219a1 bar 'gyur ba'i rgyu dang / 'brel ba'i rgyu dang / mtshan nyid kyi rgyu dang / byed pa'i rgyu dang / snang bar byed pa'i rgyu dang / ltos pa'i rgyu'o/ /de la 'byung bar 'gyur ba'i rgyu ni phyi nang gi chos rnams skyed par rgyu'i bya ba byed pa'o/ /'brel pa'i rgyu ni phyi nang gi chos phung po dang / sa
219a2 bon la sogs pa skyed par dmigs pa'i bya ba byed pa'o/ /mtshan nyid kyi rgyu ni de ma thag pa'i mtshan nyid byed pas rgyun mi 'chad par skyed pa'o/ /byed pa'i rgyu ni dbang gi bya ba byed pa ste/ 'khor los sgyur ba'i rgyal po bzhin no/ /snang bar byed pa'i rgyu ni rnam par rtog pa'i dngos po skyes pas
219a3 mtshan nyid snang ba'i bya ba byed pa ste/ mar mes gzugs la sogs pa snang bar byed pa bzhin no/ /ltos pa'i rgyu ni 'gags pa'i dus na bya ba'i rgyun chad de rnam par mi rtog pa'i dngos por skye ba'o/ /blo gros chen po 'di dag ni byis pa so so'i skye bo rnams kyi rang gi rnam par rtog pa'i mtshan nyid
219a4 pas rim gyis kyang mi skye la cig car yang mi skye'o/ /de ci'i phyir zhe na/ gal te cig car skye na ni byed pa dang / bya ba bye brag med pas rgyu'i mtshan nyid du mi 'gyur ba'i phyir ro/ /ci ste rim gyis skye na ni bdag gi mtshan nyid ma thob pa'i phyir rim gyis skye bas mi skye ste/ ji ltar bu ma skyes par
219a5 pha zhes bya ba'i ming med pa bzhin no/ /blo gros chen po rim gyis skye bas 'bral ba'i sbyor ba yang mi rung ste/ de ni rnam par rtog pa'o/ /rgyu dang / dmigs pa dang / mtshungs pa med pa de ma thag pa dang / bdag po'i rkyen la sogs pas bskyed par bya ba skyed pa'i phyir/ blo gros chen po
219a6 rim gyis skye bas mi skye ste/ kun brtags pa'i rang bzhin la mngon par zhen pa'i mtshan nyid kyi phyir ro/ /rim gyis sam cig car mi skye ste/ rang gi sems snang ba'i lus dang longs spyod yin pa'i phyir ro/ /rang dang spyi'i mtshan nyid dang / phyi rol gyi dngos po dngos po med pas
219a7 blo gros chen po rim gyis sam cig car mi skye ste/ gzhan du rang gi sems snang ba la rnam par rtog pa tsam du khong du ma chud pa'i phyir mtshan ma skye'o/ /de lta bas na rgyu dang rkyen dang / bya ba'i dngos po dang / sbyor ba'i mtshan nyid rim gyis dang / cig car gyi lta ba yongs su spang bar bya'o/ /
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u