| e-texts navigator |
| བོད་ཡིག |
216b1 pa yongs su rtog pa'i rdul gyis gos par sangs rgyas thams cad kyis rab tu gsungs shing / ci'i slad du bcom ldan 'das kyis mu stegs can gyi bdag tu smra ba dang mtshungs par de bzhin gshegs pa'i snying po mchis par bka' stsal/ bcom ldan 'das mu stegs can rnams
216b2 kyang rtag pa dang / byed pa mchis par smra zhing yon tan dang bral ba dang / kun du khyab pa dang mi 'jigs pa'o zhes bcom ldan 'das de dag bdag tu smra bar bgyid do/ /bcom ldan 'das kyis bka' stsal pa/ blo gros chen po ngas bshad pa'i de bzhin gshegs pa'i snying po ni
216b3 mu stegs can dag smra ba'i bdag dang mtshungs pa ma yin te/ blo gros chen po ched 'ga' ni stong pa nyid dang / mtshan ma med pa dang / smon pa med pa dang / de bzhin nyid dang / yang dag pa'i mtha' dang / chos nyid dang / chos kyi sku dang / mya ngan las 'das pa dang / rang bzhin
216b4 dang bral ba dang / skye ba med pa dang / 'gag pa med pa dang / gzod ma nas rab tu dben zhing zhi ba dang / rang bzhin gyis mya ngan las 'das pa zhes bya ba la sogs pa'i tshig gis de bzhin gshegs pa'i snying po ston par byed de/ de bzhin gshegs pa dgra bcom pa yang dag par
216b5 rdzogs pa'i sangs rgyas rnams ni byis pa gang dag bdag med pa'i tshig gis 'jigs par 'gyur ba yongs su spang ba'i phyir rnam par rtog pa dang bral ba snang ba med pa'i spyod yul de bzhin gshegs pa'i snying po'i sgo rab tu bstan to/ /blo gros chen po ma 'ongs pa dang / da ltar byung ba'i byang
216b6 chub sems dpa' sems dpa' chen po rnams kyis bdag tu lta ba la mngon par zhen par mi bya'o/ /dper na rdza mkhan ni 'jim pa'i phung po gcig las mi'i bzo dang / chu dang / thal zhar dang / 'khor lo dang / srad bu'i sbyor ba rnams kyis snod rnam pa sna tshogs byed do/ /de
216b7 bzhin gshegs pa rnams kyang de bzhin du chos bdag med pa/ rnam par rtog pa'i mtshan nyid thams cad dang bral ba/ shes rab dang / thabs la mkhas pa rnam pa sna tshogs kyis de bzhin gshegs pa'i snying po bstan pa'am/ yang na bdag med par ston pas rgyu dang
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u