rKTs

e-texts navigator

Volume

Page

216a₁ spangs 'khor ba ni/ /sgyu ma rmi lam 'drar bshad kyang / /las ni 'jig par mi 'gyur ro/ /nam mkha' mya ngan 'das pa dang / /'gog pa gnyis kyang de bzhin te/ /byis pa dag gis rnam par brtags/ /'phags pa rnams ni yod med spangs/ /de nas
216a₂ bcom ldan 'das kyis byang chub sems dpa' sems dpa' chen po blo gros chen po la bka' stsal pa/ blo gros chen po stong pa nyid dang / skye ba med pa dang / gnyis su med pa dang / rang bzhin dang bral ba'i mtshan nyid ni sangs rgyas rnams kyi mdo sde thams cad kyi nang du 'jug ste/
216a₃ mdo sde gang du yang don 'di dag ston to/ /mdo sde rnams ni sems can gyi bsam pa bzhin du rnam par phye ste/ don rab tu bstan pa'i phyir de kho na nyid ni brjod pa la yod pa ma yin no/ /dper na skom pa'i rnam par rtog pas smig rgyu slu bar byed pa de'i mtshan nyid
216a₄ la chu'i dngos por mngon par zhen par byed kyang de la chu med do/ /de bzhin du mdo sde thams cad las chos rnams bstan pa yang byis pa so so'i skye bo rnams mgu ba rab tu bskyed par bya ba yin pa'i phyir de kho na dang / 'phags pa'i ye shes ni gtam la yod pa ma yin no/ /de bas na
216a₅ don gyi rjes su 'brang bar bya'i/ brjod pa la mngon par chags par mi bya'o// //'phags pa lang kar gshegs pa rin po che'i mdo/ bam po gsum pa/ de nas byang chub sems dpa' sems dpa' chen po blo gros chen pos bcom ldan 'das la 'di skad
216a₆ ces gsol to/ /bcom ldan 'das kyis gsungs pa'i mdo sde las de bzhin gshegs pa'i snying po ni rang bzhin gyis rnam par dag pa/ mtshan sum cu rtsa gnyis kyi rjes su 'jug pa/ sems can thams cad kyi lus la mchis par brjod de/ dper na rin po che rin thang chen po gos
216a₇ dri ma can gyis yongs su dkris pa ltar de bzhin gshegs pa'i snying po rtag cing rnam par 'gyur ba med pa yang de bzhin du phung po dang / khams dang / skye mched rnams kyi gos dri ma can gyis yongs su dkris shing 'dod chags dang / zhe sdang dang / gti mug dang / yang dag pa ma yin

_{iiif viewer powered by OpenSeadragon}

215b - 216b

Texts on this page