rKTs

e-texts navigator

Volume

Page

215b₁ pa nyid gang zhe na/ 'di lta ste/ gang la gang med pas stong pa ni gcig gis gcig stong pa nyid ces bya'o/ /blo gros chen po dper na/ mr-i ga la'i ma'i khang pa na glang po che dang / rta dang / ba lang dang / lug la sogs pa med kyang dge slong gi dge 'dun med pa ni ma yin no/ /de ni
215b₂ de dag gis stong ngo zhes bya ba yang khang pa khang pa'i dngos pos stong pa ma yin/ dge slong dge slong gi dngos pos stong pa ma yin la/ gnas gzhan na glang po che dang rta la sogs pa med pa yang ma yin no/ /de ni chos thams cad kyi rang gi mtshan nyid de/ gang la gang med pa de ni
215b₃ gcig gis gcig stong pa nyid ces bya'o/ /'di ni stong pa nyid rnam pa bdun te/ gcig gis gcig stong pa nyid 'di ni stong pa nyid kyi nang na dman pa yin te/ khyod kyis yongs su spang bar bya'o/ /blo gros chen po rang yang mi skye la mi skye ba yang ma yin te/ ting nge 'dzin la
215b₄ gnas pa ma gtogs pa ni skye ba med pa zhes bya'o/ /rang bzhin dang bral ba zhes bya ba yang skye ba med pa de nyid rang bzhin dang bral ba zhes bya'o/ /skad cig ma'i rgyud kyi rgyun med pa dang / tha dad pa'i dngos por snang bar dngos po thams cad rang bzhin dang bral ba ste/ de'i phyir
215b₅ dngos po thams cad rang bzhin dang bral ba zhes bya'o/ /gnyis su med pa gang zhe na/ 'di lta ste/ chos thams cad ni grib ma dang / tsha ba dang / ring po dang / thung ngu dang / nag po dang / dkar po lta bu dag ste/ blo gros chen po chos thams cad ni gnyis su med pas mya ngan las
215b₆ 'das pa las gzhan ma yin la/ 'khor ba las kyang mya ngan las 'das pa gzhan ma yin na tha dad pa'i mtshan nyid kyi rgyus dngos po yod pa'i phyir gnyis su med pa zhes bya ste/ mya ngan las 'das pa dang / 'khor ba ji lta bar chos thams cad kyang de bzhin no/ /de bas na
215b₇ stong pa nyid dang / skye ba med pa dang / gnyis su med pa dang / rang bzhin dang bral ba'i mtshan nyid la rab tu brtson par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /ngas ni rtag tu stong nyid chos/ /rtag chad yongs

_{iiif viewer powered by OpenSeadragon}

215a - 216a

Texts on this page