rKTs

e-texts navigator

Volume

Page

211a₁ bdag med par mthong zhing / ting nge 'dzin gyi bde ba la gnas pa thob pa'i nyan thos rnams kyang / de bzhin gshegs pa'i sku mchog tu gyur pa nyid thob par 'gyur ro/ /de nas bcom ldan 'das kyis don de nyid yang bstan pa'i phyir/ tshigs su bcad
211a₂ pa 'di dag gsungs so/ /rgyun du zhugs pa'i 'bras bu dang / /lan cig phyir 'ong phyir mi 'ong / /de bzhin du ni dgra bcom pa/ /de dag sems ni bslad pa'o/ /theg pa gsum dang theg pa gcig /theg pa ma yin ngas bshad de/ /byis pa blo gzhon rnams dang ni/ /'phags pa
211a₃ rab dben mos la bshad/ /don dam chos kyi sgo mo ni/ /bstan pa gnyis po rnam spangs shing / /snang ba med la rab gnas nas/ /theg pa gsum du ji ltar dgod/ /bsam gtan rnams dang tshad med dang / /gzugs med pa yi ting 'dzin dang / /tshor dang 'du shes rab dben
211a₄ pas/ /sems tsam yang ni yod ma yin/ /blo gros chen po 'dod chen pa 'di dag ni 'dod chen pa ma yin te/ 'jig rten na su zhig thar pa la 'jug par 'gyur/ /blo gros chen po 'dod chen pa ni rnam pa gnyis yod de/ dge ba'i rtsa ba thams cad spangs pa dang /
211a₅ thog ma med pa'i dus kyi sems can gyi phyir smon lam btab pa'o/ /de la dge ba'i rtsa ba thams cad spangs pa gang zhe na/ 'di lta ste/ byang chub sems dpa'i sde snod la skur pa 'debs shing tshig ngan pa 'di skad du/ 'di ni mdo sde dang / 'dul ba dang / thar pa dang 'thun
211a₆ par smra ba ma yin no zhes zer ba ste/ dge ba'i rtsa ba thams cad spangs pa'i phyir mya ngan las mi 'da'o/ /gnyis pa ni byang chub sems dpa' rnams sngon gyi rang gi smon lam dang / thabs sngon du btang ba'i phyir yongs su mya ngan las mi 'da' ba yang ma yin te/ sems can
211a₇ thams cad mya ngan las bzla bar byed do/ /blo gros chen po de'i mya ngan las 'da' ba 'di ni/ mya ngan las mi 'da' ba'i chos can gyi mtshan nyid de/ 'di yang 'dod chen pa rnams kyi tshul rab tu thob par 'gyur ro/ /blo gros chen pos bcom ldan 'das la gsol pa/ bcom

_{iiif viewer powered by OpenSeadragon}

210b - 211b

Texts on this page