rKTs

e-texts navigator

Volume

Page

210b₁ 'byung ba dang / 'du 'dzi'i rkyen la mngon par zhen pa med pa dang / rang gi lus sna tshogs dang / 'du ba dang 'bral ba'i rdzu 'phrul sna tshogs kyis/ sna tshogs sprul cing ston pa rab tu bshad pa thos pa na/ de'i rjes su sems 'jug par 'gyur ba yin te/ de rang sangs rgyas kyi
210b₂ theg pa mngon par rtogs par 'gyur ba'i rigs can du shes par gyur nas/ rang sangs rgyas kyi theg pa dang rjes su 'thun pa'i gtam brjod par bya'o/ /blo gros chen po 'di ni rang sangs rgyas kyi theg pa mngon par rtogs par 'gyur ba'i rigs can gyi mtshan nyid do/ /blo gros
210b₃ chen po de la de bzhin gshegs pa'i theg pa mngon par rtogs par 'gyur ba'i rigs de ni rnam pa bzhi yod de/ 'di lta ste/ rang bzhin gyi chos mngon par rtogs par 'gyur ba'i rigs dang / rang bzhin med pa'i chos mngon par rtogs par 'gyur ba'i rigs dang / so so
210b₄ rang gis rig pa 'phags pa'i ye shes mngon par rtogs par 'gyur ba'i rigs dang / sangs rgyas kyi zhing phyi rol khyad par can mngon par rtogs par 'gyur ba'i rigs so/ /blo gros chen po nam dngos po 'di bzhi las gang yang rung ba zhig bstan pa dang / rang gi sems snang
210b₅ ba'i lus dang / longs spyod rnam par gzhag pa dang / bsam gyis mi khyab pa'i yul bshad pa thos pa na/ mi skrag mi 'jigs pa de ni de bzhin gshegs pa'i theg pa mngon par rtogs par 'gyur ba'i rigs can du shes par bya ste/ 'di ni de bzhin gshegs
210b₆ pa'i theg pa mngon par rtogs par 'gyur ba'i rigs can gyi mtshan nyid do/ /blo gros chen po ma nges pa'i rigs can ni 'di lta ste/ gsum po de dag las gang bshad pa na/ gang bshad pa de la 'jug cing de'i rjes su sgrub pa'o/ /blo gros chen po 'di dag ni dang po
210b₇ sa yongs su sbyang ba yin te/ 'di lta ste/ rigs rnam par dgod pa'o/ /snang ba med pa'i sa 'jug par bya ba'i phyir/ rnam par dgod pa byas so/ /so so rang gis rig pa la gnas pa de dag kun gzhi la rang gi nyon mongs pa'i bag chags yongs su dag nas/ chos

_{iiif viewer powered by OpenSeadragon}

210a - 211a

Texts on this page