rKTs

e-texts navigator

Volume

Page

210a₁ mtshan nyid dang / yongs su spang ba dang / shes par 'gyur ba bstan pa thos pa na/ lus kyi spu ldang zhing rab tu dga' ba dang / yongs su 'dris par bya ba'i mtshan nyid kyi shes pa la mos shing / rten cing 'brel par 'byung ba khong du chud par bya ba'i
210a₂ mtshan nyid la yongs su 'dris par mi byed pa 'di ni/ nyan thos kyi theg pa mngon par rtogs par 'gyur ba'i rigs so/ /nyan thos kyi mngon par rtogs pas sa brgyad pa mthong bar 'gyur te/ kun nas ldang ba'i nyon mongs pa rab tu spangs shing / bag chags kyi nyon mongs
210a₃ pa rab tu spangs pa/ bsam gyis mi khyab pa'i rnam par 'gyur ba'i shi 'pho las ma 'das shing / dngos po'i 'chi 'pho las shin tu 'das pas/ bdag gi skye ba ni zad do/ /tshangs par spyod pa la gnas so/ /yang srid pa phyi ma mi len to zhes yang dag par seng ge'i sgra
210a₄ sgrogs te/ yang dag pa ji lta ba bzhin du rab tu shes shing / gang zag la bdag med par sgom pa dang / mya ngan las 'das pa thob pa'i bar gyi blor 'gyur ro/ /blo gros chen po so so tha dad pa'i mngon par rtogs pa ni 'di lta ste/ bdag dang / gang zag dang / sems
210a₅ can dang / 'tsho ba dang / srog dang / gso ba dang / skyes bu zhes sems can de dag de lta bu'i blos mya ngan las 'das pa tshol lo/ /gzhan yang mu stegs can tha dad pa kha cig ni dngos po thams cad byed pa po la rag las par mthong nas 'di skad du 'di ni mya ngan las
210a₆ 'das pa'o zhes de lta bu'i blor 'gyur te/ chos bdag med par mthong ba'i skal ba med pas de dag la thar pa med do/ /blo gros chen po nyan thos kyi theg pa mngon par rtogs par 'gyur ba dang / mu stegs kyi rigs de dag ni nges par 'byung ba ma yin pa la nges par 'byung
210a₇ ba'i blo can dag yin te/ lta ba ngan pa de dag rnam par bzlog pa'i phyir rab tu brtson par bya'o/ /blo gros chen po de la rang sangs rgyas kyi theg pa mngon par rtogs par 'gyur ba'i rigs ni gang gis rkyen tha dad pa'i mngon par rtogs pa thos na/ lus kyi spu ldang zhing mchi ma

_{iiif viewer powered by OpenSeadragon}

209b - 210b

Texts on this page